Ərbəin əyyomədə İroni sərhəd və dıyo ğıvvon fəaliyəton zumand bəbe. 

Çı İroni nizomi-intizomi ğıvvon sərhədiku muhafizə əkə əsqəron və baxşi fərmondə Ərbəin əyyomədə sərhədiyə ğıvvon fəaliyəti zumand beyku xəbəş do. 

Qeneral Ğasım Rezai İroni Çəzabə sərhədi fəaliyətiku xəbə do bey xoto Xozestanədə bo Ərbəini zairon məxsusə tədbiron dəvoniyəku xəbəş do və votışe: de İroni rəsmi şəxson çokə həmkarion dəvom kardedə. 

Əv təkidış karde: terminalon bə kəno İroni Kermanşah, İlam və Xozestani sərhədiyə məntəğəonədə sərhədi əmniyyət təmin bəbe. 

Əv bə xarıciyə zairon həm işorəş karde və votışe: ımsor həm Pakiston, Əfğanıston, Tırkiyə və Azərbaycan Respublikaku iyə zairon de İroni sərhəd terminalon vasitə bə Kərbəlo səfər kardən. 

Oktiyabri 30, bərobər de Səfər manqi 20 şiəyon 3-nə İmom Həzrəte İmom Husseyn(ə) və çəy bəfodorə əshabi şəhodəti Ərbəin ğeyd bıə. 

Har sor çand milyon zair dınyo muxtəlifə kişvəronku ım mənəvi və matəmə əyyomədə Kərbəloədə hozzo peydo karde xoto, Ərbəini şimonədə iştirok kardedən.