Ruhani:ironi millət de muğavimət amerkəvıjon fitnəqərə hərəkəton vəy bəqəten.

İron İslam Respublika prezdenti votışe:ironi millət dıştə muğavimət amerkəvıjon fitnəqərə planon ki fik kardə bin noyabri 4 nə ruji çəvon na səhihə arızoon bə nəticə rusneyu qıləy hərəkət bəbe,ləğvış karde.

İron İslam Respublika prezdent Həsən Ruhani zinə tehronədə de məhkəmə iyən islamiyə şura məclisi rəison mıştərəkə iclosi bəpeştə əlavəş karde amerkəvıjon bə ironi zid səhvə sanksiyaonədə  və bə bankiyə sistemon iyən nat və məmləkəti coqlə istihsalon ixracati vədə problem icod kardeədə pidəşone cəmaəti jimon və məişətdə mənfiyə təsir icod bıkən.

prezdent Ruhani əlavəş karde ıç qəp ki Amerkə bə  millət  təziğ nışon doe domoədə ni və bə nizom və hukumət təziğ nışon doe domoədəy,kamilən na səhihe və amerkəvıjon əmələdə ım həğiğətışon oşko kadə.

İron İslam Respublika prezdenti votışe: amerkəvıjon etirafışon kardə ki nibəznen ironi nati ixracati bə sıfr rosniye və əlavəş karde amerkəvıjon omə manqonədə ve çok dəbərəsən ki səhvə roşon vıjniyə çunki ım ro ironi milləti  veyə istihsaliyu və ım ki de hamsuyan və dustə məmləkəton nezə əlağə təşkil bıkən nakonəsə ve çok hozzı bəkay.

prezdent Ruhani eyne holədə terarizmiku ironi himoyə karde həxədə amerkəvıjon idda barədə işarəş karde və votışe: amerkəvıjon  du votedən ki iron mali cəhətdə terarizmiku himiyə kardə əmmo jəqo ki ironi millət həmmişə de terroristiyə qrupon  mubarizə barde xət iyən çəvon maliyə ehtiyacon təmini vəy qətedədə hərəkətış kardə ımruj həm nakonəsə zumand bəştə ğanonon bovəş heste və ım pesoxtə bə  vavonəon həm deşmenon dasiku xaric bəkay.