İslami inğilabi yolə rəhbəri:dınyo ısətnə canq iradəon canqe.

İslami inğilabi yolə rəhbəri,dınyoədə ısətnə canqış iradəon canqış zınə və votışe: conbozon və maifə varzışkaron dıştə ğeymətinə hərəkət nışonışon do ki iğtidar iyən mədəniyə istiğlal və zumandə iradəşon heste.

İslami İnğilabi yolə rəhbəri Həzrət Ayətullah Xamenei zinə sıb İndoneziya 2018 Paraasiyaiyə hənəkonədə ironi varzışiyə kərvoni ğəhrəmanon və medal bə dast vardəkəson vindımonədə conbozon və maifə ğəhrəmanon fəxr bə dast vardeku təşəkkurış karde və votışe6 ım  ğəhrəmanəti ciddiyə iradəon iyən ğeyreoşkoə zərfiyətonku istifadə karde nışon dodə.

Həzrət Ayətullah Xamenei conbozon və maifə varzışkaron zumandə ruhiyə və ıştəni bovə karde məxsusən xanımə varzışkaron dılədə ıştə dini və milliyə erjonku mudafiyə karde roədə qıləy yol iyən bə tərifat loyiğ omə hərəkətış zınə və əlavəş karde ironi varzışiyə kərvoni pərçəm bə dast qəte qıləy çadrə bə sə noə hicabinə xanımi tərəfo və ya cəmaətə nımoji vote və cumə nımojədə iştirak karde , dınyo ğeyre əxlağiyə hucumon vədə mande iyən ım hucumon vədə sıst nıbe mənoədəy.

İslamiyə inğilabi yolə rəhbəri əlavəş karde qıləy şərayetəndə ki bəzion beynəlxalğə meydononədə kofr və istikbar cəhbə beintıvoə hucumon vədə muğavimət karde ğıvvəşon ni və bə domo nıştən ,şımə mandin və zumandə mədəniyə hərəkətdə hicab iyən milliyə olət və ıştə diniku mudafiən karde ki az həminə məsələ xoto de səmimiyyət və nığılə holətədə İron İslam Respublika varzışiyə kərvoni uzvonku təşəkkur  kardəm.

Həzrət Ayətullah Xamenei conboz və maifə varzışkaron ğəhrəmanətiədə dərs  doə məsəlonku qıleniş insoni  vocodəndə ğeyre oşkoə zərfiyətonku istifadə kardeş zınə və votışe: əqər milliyə zərfiyətonku səhih istifadə bıbo ixtisadiyə problemon həl bəben.

ironi varzışiyə kərvon İndoneziya 2018 Paraasiyaiyə  hənəkon 3 minnə devrədə de 51 ğızıl (tele) 42 qılə nığə və 43 qılə bırınç cəmi de 136 qılə medal ım musabığonədə 3 minnə vırəş qəte.