Zərif:İron atom sazışiku xaric be həxış heste.

İron İslam Respublika xarici koon vəzir zinə Amerkəş bəd əhd iyən əhd-peymoni darıştəkəsış zınə və votışe: İron həxış heste atom sazışi tərk və tojədən orani qəncin karde təşkil bıkə çunki Vaşinqton ım beynəlxalğə sazışiku beşəy.

Bə İRNA xəbon əsosi Muhəmməd Cəvad Zərif  de İtaliya Rai News 24 xəbəriyə kanali təşkil doə votımonədə Amerkə tərəfo Avropavıjonku  tələbonış de İron ticarət və həmkarətion ğət karde cəhətdə və bə Tehroni zif  sanksiya siyasətonış de Vaşinqton həmroəti kardeş be əsos zınə və votışe:əqər Avropa mıstəğilə hakimiyəti domoədəy lozime Amerkə tələbon vədə bımando.

İroni xarici koon vəziri votışe: əqər bə qıləy ğoldori icazə doə bıbo bəştə tələbon bırəso həni çəy ğoldorətion onibərəxən.

Zərif,Avropa əmniyətiyu bə atom sazışi əhəmiyyət işarəş karde və votışe: Avropa zumandə təəhodonış doə əmmo desbə ısət ıştə əmniyətiyu bə sərmayə noe hozzı bə ni.