Zərif: Amerkə və çəy mıttəhidon puçə 2 dimə sıxanonku dast pıqəton.
İroni xarıci vəzir votışe: Amerkə və çəy mıttəhidon bəpe İroni rəket iyən məntəğə rəftoron barədə puçə 2 dimə sıxanonku dast pıqəton.
Bə xarıci vəzarətxonə mediya diplomatiyə idarə raporti əsos, İroni xarıci vəzir Muhəmməd Cəvad Zərif, zinə ıştə Twitterədə de məntəğə kişvəron hərbi xərcon statestikaon edaşte, nıvışteşe: Amerkə və çəy mıttəhidon bəpe İroni rəket iyən məntəğə rəftoron barədə mınofiğonə və zaidə puçə 2 dimə sıxanonku dast pıqəton.
İroni xarıci vəzir vağeiyyəti ıştə sıxənon şohid qəteşe və təsdiğış kardə: Amerkə və çəy mıttəhidon şand sa milyard dollar siloh bo Yəmənıjon keşte vəvatedən
Zərif təkidış kardə: Səddam rejimiku detosə DAEŞ-i vaxt Amerkə və çəy mıttəhidon çı məntəğə bədbəxti iyən dardi məsulin, nə İron İslam Respublika!
Bə qıləy diaqramon əsos ki İroni xarıci vəzir əvış "Sipri" moəsisə nəğliku muntəşirış kardə, 2013 detosə 2017 soronədə, Amerkə 61 faiz Səudiyə Ərəbistoni silohon təminış kardə.
İnqiltərə və Fransə həm peşonə rotbəonədə hestin.
