Amerkə ciqəş ni məntəğə dılədə huzur pəydo bıkə.

İroni prezident bə Amerkə prezidentəti məxfiyə səfər bə İrağ işorəş karde və votışe: Amerkə ciqəş ni İrağ, Suriyə, Livan və Yəməni milləton cəmədə huzur peydo bıkə.

Həsən Ruhani zinə İroni dıvlət kabinetədə bə Amerkə iddio İrağ və Əfğanıstoni milləton xilos karde işorəş karde və votışe: boçi Tramp ğeyri rəsmi və məxfi bə ım kişvəron səfərış karde və hol ım ki Miladi 2003-nə soriku Amerkə de ım kişvəron xilos karde iddio bə məntəğə omə.

İroni prezident Trampi məxfiyonə bə İrağ səfər karde iyən rə ım kişvəri tərk karde məntəğədə Amerkə siyasəton məğlubiyəti nışonə zınəş be.

Ruhani təkidış karde: Amerkə rəsmi şəxson bəpe jıqonə macəraonku dərs peqəte bəpeştə ıştə ımsornə siyasətonədə co kişvəron xususi Fələstin milləti daxıli koonədə mudaxilə kardeku dast bıkəşin.

İroni prezident bə İroni əleyh Amerkə zalımonə sanksiyaon işorəş karde və votışe: dışmenon fişaron jentonədə əmmo İroni iğtisodi fəaliyəton mısbəte və bə inkişofi tərəf şedə ijən İroni nati həvote vəy qəte prosessədə Amerkə fəaliyəton be foydəy.

Ruhani ijən dışmenon təhdidon vəde bə mudafiə sahədə ğudrəti ziyod karde təkidış karde.