Ğasımi:İron har qılə deşmenə hərəkəti vədə reaksiya nışon bədoy.

İroni xarici koon vəzorətxonə sıxanəvoti votışe: islamiyə respublika bə İroni milliyə faydon zid har qılə deşmenə rəftori vədə lozim bə əməlon əncom bədoy.

İroni xarici koon vəzorətxonə sıxanəvot Bəhram Ğasımi zinə de daxili və xariciyə jurnaliston təşkil doə xəbəriyə iclosədə İroni aviyasiya fəaliyəton iyən peyk antenon ğande sahədə Amerkə və Fransə siyasəton vədə reaksiyaş nışon do və votışe: İroni fəaliyəton İ bə milləton təşkilati iyən çı təşkilati əmniyyət şura ğətnaməonku mincumlə 2231 ğətnaməku bə kəno ni.

Ğasımi bəzi avropaiyə məmləkəton bə İroni zid tındə rəftoron barədə və atom sazışiku Amerkə xaric be bəpeştə Avropa tərəfo maliyə həmkarətion icra çandə manq bə domo eqıneku işarəş karde və votışe: avropavıjon omidvarin di ya rəv,bə lozim bə maliyə həmkarətikarde ro bırəson və rəsə mesajon həm SPV icra kardeyu Avropavıjon iradəku hikayət kardə əmmo de şiddəti Amerkə devləti təziğon jiyədə hestin.

İroni xarici koon vəzorətxonə sıxanəvot Vərşo şəhrədə de Amerkə və Polşə mıştərəkə həmkarəti Nezə şərği sulh və əmniyət nomo bə İroni zid iclos bərpo karde həxədə votışe:Amerkə və sıpiyə kə xumə rəhbəron məxsusə siyasətonışon bino kardə ki çəvonku qıleni de İroni millət deşmenəti kardeye əvon cəhd kardən İroni xariciyə əlağonədə problem icod bıkən və nahaşton Avropa ıştə vahidə ro dəvom bıdə.

İroni xarici koon vəzorətxonə sıxanəvot ,İroni xarici koon vəzir Muhəmməd Cəvad Zərif və dəy həmro bə heyəti bə Hindostan səfər karde həxədə beynəlxalğə kanali jurnalisti  suali cəvobədə votışe:ım səfər mısbət və bə nav hərəkət kardeyu bə və de tojə roziyətion,2 qılə məmləkəti əlağə tojə devrədə inkişaf bəkay.

İroni xarici koon vəzorətxonə sıxanəvoti əlavəş karde İron de Hindostan ğədimə devranonku veyə həmkarəti və əlağəş bə və omidış heste omə rujonədə həm 2 qılə məmləkəti əlağon və həmkarətion siyasi və ixtisadi baxşonədə inkişaf bıkə.

Ğasımi məntəğədə Amerkə siyasəton həxədə və Suriyəku çı məmləkəti hərbion xaric karde bərnamon həxədə votışe: Amerkə kəlanə siyasət islamiyə məmləkəton əsosə mərkəzon xərob kardey,eyne holədə əvon ciddiyə sorətədə ociz mandən jəqo ki 2 dimə sıxanon bəyon kardən.

İroni xarici koon vəzorətxonə sıxanəvoti votışe: əviki oşkoye ıme ki məntəğədə Amerkə sə ciddiyə sorətədə qic bə və əlavəş karde əvon əvvəlico bə məntəğə səhvə sorətədə daxil bin və ımruj həm bəpe xaric bıbon.

İroni xarici koon vəzorətxonə sıxanəvoti votışe:İron Suriyədə heç qılə hərbiyə mərkəzış ni və bə ım məmləkəti devləti rəsmiyə tələbi əsosi,komək karde və ım məmləkətdə de terroriston mubarizə bardeyu məsləhət doeyu huzurış bə və əlavəş karde de ğətiyəti məntəğədə Amerkə siyasəton  məntəğə cəmaəti faydon cəhətdə bə ni və çimi bəpeştə həm nibəbe və Ğudsı işğalqərə rejimi əmniyəti təmin kardeyu və islamiyə məmləkəton əsosə mərkəzon xərob kardeyu fəaliyət kardə.