Ruhani: bə İron zidd çı Amerkə təziğon bə nəticə nibərəse.

İron prezident votışe: İroni millət zu-ğudrəti barədə niqəronion xoto, Amerkə bə İroni milləti zidd pik həddi təziğon dumoədəye əmmo hiç vaxt bə nəticə nibərəse.

İron prezident Həsən Ruhani zinə heyət vəziron iyən kişvəri həmmə ostandaron mıştərəkə iclosədə əlovəş kardə: ımruj Amerkə ıştə təəhudon əks və de məntəğədə çand qılə kişvəron həmroəti bə İroni milləti zidd pik həddi təziğon oko doe dumoədəy, əmmo de İroni dıvlət və milləti miyono vəhdət, ım sui-istifodə de məğlubiyəti dim bə dim bəbe.

Ruhani ijən bə İroni iyən həmsoyə kişvəron miyono əloğəon zumandəti təsdiğ iyən işarəş kardə: co kişvəron ğəyri dıvləti baxşon məxsusən həmsoyə kişvəron de İroni şirkəton nezi rabitə bino kardən ki ım həmkari idomə peydo bəkay.

İroni prezident ijən bə nəğliyot baxşədə çokə hərəkəton əncom bey işarə iyən təsdiğış kardə: hali hazirədə 10 qılə qəmi bə İroni miyonqitəon nəğliyot qəmion əlovə bıə.

Ruhani de işorə bə İroni vositə ovoştoniyə bıə peyki izhorış kardə: İron İslam Respublika peykon və peykon həmləkə rəketon soxte sahəonədə bə vey ali muvəffəğiyəton dast peydoş kardə, həlbətə cuzi problemon rə həl bəbe.

İroni informassiya texnoloqiya və rabitəon vəzir Muhəmməd Cəvad Azəri Cəhromi seşənbə ruji ıştə Twitter şəxsi səhifədə nıvışte: İron İslam Respublika tərəfo soxtə bıə peyki orbitədə ğəror doe bərnomə, mıvəffəğ nıbe.

Azəri Cəhromi təkidış kardə: İronədə peykon soxte və ğande de ğudrəti dəvom peydo bəkay.