Ğasımi: Varşava iclos İron və Avropa miyonədə ixtilaf və fasilə icod kardeyuy.
İroni xarici koon vəzorətxonə sıxanəvot,vərşoədə bə ironi zid iclos dəvoneş,İron və Avropa bəzi məmləkəton miyonədə ixtilaf və fasilə icod karde cəhətdəş zınə.
İroni xarici koon vəzorətxonə sıxanəvot Bəhram Ğasımi zinə Varşavaədə bə ironi zid iclosi həxədə de daxili və xariciyə jurnaliston haftədə təşkil doə iclosədə votışe:ım qıləy amerkəvıjə hərəkət de oşkoə hədəfonin və bə Avropa itifağ bəzi daxil bə tojə məmləkəton mahiyəti diğğət doe əsosi ki bəzi problemonədə həm oşkoə təcrubəşon heste,İron və Avropa bəzi məmləkəton miyonədə ixtilaf və fasilə icod karde dumoədən.
İroni xarici koon vəzorətxonə sıxanəvot ironi beynəlxalğə kanali jurnalisti suali cəvobədə ki ironi atom sazışədə iyən Avropa SPV maliyə fəaliyətonədə bə londoni roli diğğət doə şərayetədə polşə iclosədə İnğiltərə xarici koon vəzir Cermi Hunt iştirak karde həxədə be əlavəş karde de ğətiyəti İron Vərşo iclosış diğğət mərkəzədə ğərorış doə və diplamatikə baxşonədə həm bəzi hərəkətonış əncom doə.
Amerkə xarici koon vəzir yanvari 11 minnə rujiyu İronə fobiya siyasəton təbliği dəvomədə elanış karde Vaşinqton nəzədəş heste Polşə Varşava şəhrədə fevrali 13 və 14 minnə rujonədə bə İroni zid iclos bərpo bıkə.
Ğasımi,İroni xarici koon vəzorətxonə siyasiyə muavin sed Əbbas Ərağçi bə Avropa çanqılə məmləkət zinə təşkil doə səfəri həxədə votışe: ım səfər de Avropaiyə məmləkəton mınosibəton və 2 tərəfə muzakiron iyən de beynəlxalğə atom enerji təşkilati votımon karde bərnamədə təşkil bedə.
İroni xarici koon vəzorətxonə sıxanəvot SPV icra kardeyu Avropa doə bə vədəon həxədə votışe: İron əvvəlico Avropa maliyə həmkarətion intizarədə bə ni əmmo bəpe diyə bıkəmon Avropa çokonə bəzne ıştə təxiri cubran karde çok bəbe səbr bıkəmon və diyə bıkəmon ki avropavıjə tərəf çiçi elan bəkay.
