İroni mudafiə strateqiyaon de ğudrəti dəvom kardedə.

İroni mudafiə vəzir votışe: bo mudafiə ğudrəti ziyod kardero hiç kişvər və ğudrətiku icozə nibəsənımon.

Bə İrib raporti əsos qeneral Hatəmi votışe: İroni silohinə ğıvvon çı İroni vəhdət, həmdeləti və cəhodiyə mudiriyəti kismolben və ımruj həm ım ğıvvə muvəffəğ be muxtəlif elmi-hərbi və texnoloqiya baxşonədə deşmənon təziğonku dəvardə vasitə bə barzə muvəffəğiyəton bırəsi.

Əv təkidış ka: ısət İroni mudafiə vəzarətxonə deştə viyə elmi iyən texnoloqiya zərfiyəton ıştəni ım sahədə çımiku vey mudern kardero ədə cəhd kardedə.

İroni ərtış ğıvvon həmohənqəkə moavin Admiral Həbibullah Səyyari həm mudafiə sahədə İroni bənə dınyoədə yolə ğudrət hisobış karde ki deşmənon bə İron həmlə karde məyos bey bois bıə.

Əv votışe: Amerkə təhrim və sanksiyaon sayədə əmmo İroni səbarzəti iyən muvəffəğiyət mudafiə sahədə dəvom kardedə və İroni silohinə ğıvvon ım baxşədə bo har curnə təhdidi be əsər kardero zuşon heste.