Ruhani:islamiyə respublika mudafiyə təchizaton soxteyu heç kəsiku icazə nibəstəy.

İron İslam Respublika prezdenti votışe:İron cur bə curə anti zereh rəketon iyən mudafiyə təchizaton soxteyu heç kəsiku icazə sedə ni və çimi bəpeştə həm nibəstəy və ıştə ro de zumandəti dəvom bədoy.

Bə telerədyo  aqentəti xəbon əsosi İron İslam Respublika prezdent Həsən Ruhani zinə tehroni azadi nomo bıə meydonədə islamiyə inğilabi səbarzəti 40 minnə sorəqardışi mərasimədə əlavəş karde  dınyo həmmə bızno ki İron islam respublika ğıvvə ımruj,mığəddəsə mudafiyə devranisə zumand bə və ironi silahlinə ğıvvon cur bə curə silah və bombaon istihsalədə bə istiğlal rəsən.

İron İslam Respublika prezdent məmləkətiku mudafiyə kardeyu bə silahlinə ğıvvon nıtarsəti və zumandə ruhiyə işarəş karde və votışe: dınyo vindışe de ironi iradə və komək Suriyə,İrağ və livani millət bə səbarzəti rəsin və Fələstin iyən yəmənədə  işğalqəron və mutəcavizon vədə muğavimət dəvomış heste.

Prezdent Ruhani votışe:deşmenon ımruj məcburin dəvardə 20 sori mıddətdə bəştə məğlubiyətion və məntəğədə mudaxiləon etiraf bıkən və çiyo xaric bıbon ta məntəğə milləton bıznon de ozodəti inkişaf və ovonətiədə bəştə ro əvom bıdən.

İron İslam Respublika prezdent eyne holədə əlavəş karde ironi milləti əzəmətinə huzur islamiyə inğilabi səbarzəti sorəqardışi aksiya sobotış kardə  deşmenon fitnəqərə hərəkəton məğlub bən və əvon heç vaxti bəştə hədəfon ərəs nin və İron İslam Respublika ıştə ro bənə dəvardə 40 sori dəvom bədoy.

Prezdent Ruhani ıştə sıxanon co baxşədə mıxtəlif baxşonədə mincumlə neft kimiya baxşədə bə ironi inkişafon işarəş karde və votışe: dınyo bə ironi ve surətinə inkişafon etirafış kardə,

İron İslam Respublika prezdent ,İslamiyət,Cumhoriyət,vıjnımoni bərpo karde və məsul şəxson vıjniyeş mincumlə İron İslam Respublika muhimmə nəticonkuş zınə.