Ruhani:Tehron-Dəməşğı əlağon bə bıvəti iyən vəhdəti əsose.
İron İslam Respublika prezdenti votışe:İron İslam Respublika bənə dəvardə rujon Suriyə millət və devləti kənoədə bəmande və əlavəş karde Tehron-Dəməşğı əlağon bə bıvəti iyən vəhdəti əsose.
İron İslam Respublika prezdent Həsən Ruhani zinə əsrə vaxti tehronədə de Suriyə ərəbiyə respublika prezdent Bəşar Əsəd vindımonədə Suriyə millət,devlət və silahinə ğıvvon,terroriston vədə səbarzətionış muhim və erjinış zınə və votışe: İron de terarizm mubarizə barde roədə həmmişə Suriyə kənoədəy və ım roədə həmməcurə komək kardə.
Prezdent Ruhani Suriyə xərobion ovonə kardeytu ironi iştirak kardeku işarəş karde və votışe: Tehron,suriyədə əmniyyət və oroməti təşkil karde,avərəon oqarde, və daxili siyasiyə hərəkətonədə həm Dəməşğı kənoədə bəmande.
İron İslam Respublika prezdent ,Suriyə xəyli məntəğonədə əmniyətiyə vəziyəti çok beku ıştə roziyətiş elan karde və votışe:Rusiyə Soçi tojə iclosədə İron-Rusiyə və Tırkiyə yolon bə Suriyə ərazi təmamiyəti hifz be zərurəti işarəşon karde və Suriyə devləti icazəku bə kəno əcnəbion iyən Amerkə huzurışon məhkum karde.
Suriyə Prezdent Bəşar Əsəd həm ım vindımonədə votışe:Suriyə devlət və millət həmmişə bənə bıvə yolə rəhbəri iyən ironi devlət və milləti himoyəon ğədri zındəy ki de terroriston mubarizə barde iyən Suriyə və məntəğə əmniyəti hifz beyu təşkil bedə və əlavəş karde az ım koonku təşəkur karde xoto bə Tehron səfərım kardə.
Suriyə prezdenti əlavəş karde ımruj Suriyə dəvardə rujon nisbətədə veyə əmiyyət və oromətiş heste.
Bəşar Əsəd votışe:İron İslam Respublika siyasət və can cəhətə həmkarətionku mincumlə Astanə muzakiron roədə hərəkət karde iyən bı rujonədə Soçi iclosiku ki Suriyə əmniyyət və oroməti hifz kardeyuy himoyə kardəmon.
Bəşar Əsəd votışe:İron və Suriyə xarici koon vəziron və xususiyə nımayəndon royku məntəğə və İ bə milləton təşkilati səthədə nezə həmkarətionışon heste və əlavəş karde suriyədə siyasiyə hərəkət bəpe bə tərəf bışo ki ərazi təmamiyət və istiğlali hifz beku əlavə fəğət Suriyə milləti iradə hakim bıbo.
