De dınyo şiəyon 1 minnə imomi viladəti sorəqardışi mınosibəti təbrik.

Dınyo şiəyon 1 minnə imom imom Əli(ə) viladəti sorəqardışə şəvədə İslamiyə İroni həmmə vıron bə şoə mərasimon bərpo be şohide.

Imruj 4 şanbə hicri ğəməri 1440 nə sori rəcəbə  manqi 13 bərobər de milady 2019 minnə sori martə manqi 20 dınyo şiəyon 1 minnə imom Həzrət Əli(ə) milady sorəqardışe.

Həzrət Əli(ə) rəcəbə manqi 13 minnə ruji Kəbədə bə dınyo omə və tojə perəsə  cıvonəti devraniku islami əzizə Rəsul(s) tuno yol be.

Həzrət 1 minnə şəxs be ki islamış ğəbul karde və Xıdo rəsul(s) tərəfo islami əzizə dini təbliğ və tərvic karde həmmə mərhəlonədə həzrəti əsosə dust və nezə şəxsonku be.

İron İslam Respublika təğvimədə dınyo şiəyon 1 minnə imomi viladəti sorəqardış "dədə ruj"(pıə ruj) nom noə bə İroni həmmə vıronədə Həzrət Əli(ə) viladəti sorəqardış ki həğiğətdə imoməti dədə heste de şoə mərasimon dəvardedə.

İslamiyə ironi dindarə millət mığədəsə vıronədə de mıxtəlif şoə mərasimon dınyo şiəyon 1 minnə imomi viladət de yol iyən şoə mərasimon dəvardedə.

İron İslam Respublika telerədyo de Həzrət Əli(ə) viladəti sorəqardışi mınosibəti bə həmmə mıslmonon məxsusən tolışə həmzıvonon təbrik votedə.