Ruhani: İroni vədə har dışmən məğlub bəbe.

İroni prezident dışmənon anti İron xəbisə planon barədə votışe: İron de muğavimət, i bemon və bə tale umidvar bey vasitə har dışməni mğlub bəkard.

Həsən Ruhani ımruj Tehronədə bə muəlimon ehtırom karde mərasimədə Amerkə anti İron sanksiyaon məğsəd və hədəfi barədə təkidış ka: Amerkə bənə İron İslam Respublika əzəmətin, mıstəğil və təsirinə kişvəri tov varde əzı ni.

Ruhani çı İroni inğilobi əsosış istiğlol zınəş  be və təsdiğış karde: Amerkə bəştə ğeyri ğanuni məğsədi rəseyro pidəşe İroni və alyutaon kam bıkə əmmo İron lazimə tədbironış nəzərdə qəteşe.

İroni prezident ijən bo İroni nati mıştərionro sanksiyaku ozod bey mıddət dıroz nıkarde barədə həm votışe: de sanksiya vucodi İron ijən ıştə nati bəhəvate.

Ruhani ətomiyə sazışi icra nı bey barədə bə sionist rejim iyən Ərəbistoni xəbisə planon işorəş karde iyən təkidış ka: Amerkə ısətnə dıvlət de radikal ransiston, sioniston iyən Ale-Səud rejimi pulon ıştə siyasəton icra kardedə.