Ruhani:təslim be de ironıjon mədəniyət və din bərobərətiş ni.

İron İslam Respublika prezdent zinə şanqo bə islamiyə ironi zid deşmenon siyasi və ixtisadiyə təziğon həxədə işarəş karde və votışe:İroni millət heç vaxti təziğon vədə təslim bə ni və çimi bəpeşt həm təslim əbı ni.

Bə prezdenti məlumat ərosnə mərkəzi elanon əsosi Həsən Ruhani de İroni siyasiyə fəalon qıləy cəmi səmimiyə vindımonədə əlavəş karde təslim be ironıjon mədəniyət və dinədə bərobərətiş ni.

İron İslam Respublika prezdent nako həm votəş be ki ironi millət təcavuzkar və zuəvoton vədə ıştə səşon bəje qətə ni və çimi bəpeşt həm nibəqəten və ıştə qəpon dəvomədə əlavəşon karde İronıjon iradəon mubarizədə Amerkə məğlub bəkan.

Amerkə,atom sazışiku xaric be bəpeştə bə İroni zid təziğon ve kardeyu qıləy har cəhətə deşmenətiş bino karde.

Tramp 2018 minnə sori mayə manqi 8 nə ruji 1 tərəfə sorətədə,atom sazışədə Vaşinqton doə bə vədəonış bəştə lınqi ji nose və çı beynəlxalğə sazışiku xaric be və atom sank siyaonış oqırdıni.

Trampı ım hərəkət hevojə səthədə,daxili və beynəlxalğə məhkomiyətonədə dim bə dim be.

İslami inğilabi yolə rəhbəri 4 şanbə yanvari 9 nə ruji Ğom şəhri cəmaəti çandə həzo nəfəriyə vindımonədə əlavəş karde Amerkəvıjon de şoəti votedən İroni milləti ısətnə sanq siyaon tarixədə təcrubə bə ni əmmo İroni millət de Xıdo izni ım cəhətdə əvoni de qıləy məğlubiyət dim bə dim bəkay ki tarixədə təcrubə bə ni.

İron İslam Respublika məntəğədə Amer Səudiyə- sionistiyə xəti fitnəqərə hərəkətonədə mubarizə bardeyu rolış heste.