İnğilabi yolə rəhbər:Amerkə və israili miyonəku şe hətmiy.
İslami inğilabi yolə rəhbəri zinə əsrə vaxti,çandə həzo tələbə vindımonədə,ruşin və omidəbaxşə məsəlon vocodış bə har qılə umumiyə hərəkəti inkişaf və dəvom boisış zınə və əlavəş karde ironi milləti sobot bıə zərfiyəton yolə koon təşkil doe və əy bə nəticə rosneədə ki islami inğilabi səbarzəti və çəy dəvomədə kamilən muşahidə be omidvarəti həmməysə muhimə məsələ İroni milləti umumiyə hərəkət bə məmləkəti hədəfon və ruşinə perspektivon nəticə rusne tərəf be.
Bə yolə rəhbəri dəftərxonə məlumat ərosnə mərkəzi elani əsosi Həzrət Ayətullah Xamenei ım vindımonədə Xıdavəndə xalıği dini komək kardəkəson himoyə kardeyu Xıdavəndə xalıği sadiğə vədəş həm coqlə omid əbaxşə noktəş zınə və votışe:şək ne ki ğərbiyə mədəniyəti puç be və sısti ki əlbətdə kamilə sorətədə çəy oşko be bə zəman ehtiyociş heste .omidvarəti coqlə noktəy.
İslami inğilabi yolə rəhbəri əlavəş karde şımə cıvonon yəğinın bıbo ki insoniyəti deşmenon yəni Amerkə və israili xətoə mədəniyəti arəku şe bəinden.
Həzrət Ayətullah Xamenei eyne holədə tələbəon və cıvononku dəvətış karde de mıtəalə Xıdo əlağə zumand kardeyu mubarəkə rujə manqi nımonəş nıbə fırsətiku istifadə bıkən və votışe:ım erjinə fırsət ki de kərimə ğıron və nımoj iyən dıvo ons pəydo kardey qıləy çok və əbədiyə adət bıkən.
Həzrət Ayətullah Xamenei peso daxili,məntəğə və beynəlxalğə səviyədə bə tələbəon məcmoə hərəkəton və fəaliyəton,məxsosən dəvardə 1 sori mıddətdə işarəş karde və ıştə bəyonoton dəvomədə əlavəş karde tələbəon,koəkan(fəhləonku) himoyə karde və devlətiyə şirkəton çı formədə bə xususiyə baxşi təhvil doe və ya devlət,məhkəmə və məclis iyən nizomi məsləhət təşkilatonku həx və hoğoğ tələb karde iyən Yəmənı millətiku himoyə kardeyu qırbemonon bərpo karde iyən Noə Zelandiya və Niqeriya hadison həxədə siyasəton elan karde çokə hərəkətoni bin ki əncom be.
ali məktəbonədə inğilabiyə qropon təşkil doe iyən muğavimətı roədə bıə məmləkəton tələbəonku dəvət karde və beynəlxalğə məsəlon və islam dınyo muhimmə məsəlon həxədə muzakirə karde məmləkəti ruşinə roon bə nəticə rusneyu milləti umumiyə huzur və hidayətiyu inğilabi yolə rəhbəri məsləhətonku be.
