Ruhani:İron de yaponiya ıştə əlağon inkişaf doeyu roziy.

İron İslam Respublika prezdenti votışe:Yaponiya ,İroni cənubiyə məntəğonədə sərmayə noeyu roziyəti 2 qılə məmləkəti mınosibəton inkişafi qarant kardə.

Həsən Ruhani zinə şanqo Tehronədə de Yaponiya 1 minnə vəzie Abe Şinzo qıləy mıştərəkə xəbəriyə iclosədə əlavəş karde İron və Yaponiya  nığılə tarixışon heste və ımsor 2 qılə məmləkəti əlağon 90 minnə sorəqardışe.

İron İslam Respublika prezdenti votışe:çəyo ki Yaponiya devlət və çı məmləkəti 1 minnə vəzir ğəsdışon heste siyasi,ixtisadi,məntəğə və Beynəlxalğə əlağon inkişaf bıdən,İron həm çəyku rozi mandə.

Ruhani əlavəş karde Yaponiya,İroni Çabəhar və Məkranı sahelonədə sərmayə noeyu deım məmləkəti 1 minnə vəzir votımonış dəvoniyə və Yaponiya İroni nati hıreyu meyl nışon dodə.

Ruhani əlavəş karde de Yaponiya 1 minnə vəziri vindımonədə 2 tərəfə məsəlonku kəno məntəğədə əmniyyət və problemon kam kardeyu həm votımon dəvarde.

İron İslam Respublika prezdenti votışe: İron heç qılə canqi təşkil əkə ni əmmo bə ha təcavuzi zumandə cəvob bədoy.