İron Fars dıyoədə İnqiltərə qıləy nat kırnə tankeri mısodirəş karde.

Sepah təşkilati umumiyə rabitəon zinə şəv qıləy bəyaniyə vasitə Hormuz tanqədə İnqiltərə qıləy nat kırnə tankeri dıyo beynəl xalğ ğanuni rioyət nıkarde xoto mısodirış karde.

Sepah ım bəyaniyədə elanış karde: İnqiltərə Stena İmpero nat kırnə tanker Hormuz tanqəku dəvardə zəmonədə bə İroni Hormuzqan ostani dıyo nəğliyot notaon diğğət nıkarde xoto sepah təşkilati tərəfo mısodirə bıə. 

Bə sepah təşkilati elanon əsos ım nat kırnə tanker ısət İroni bəndəron və sahilədə ğanuni koon əncom bey xoto oqəte bəy. 

Jəqo ki elan bıə İnqiltərə ım nat kırnə tanker zəmoni Hormuz tanqəku dəvardə ğəsdış be de moyəvoon kəşti təsadufış karde ki ım hadisə illət İnqiltərə kəşti anteniya iyən rabitə bərğərorəkə təchizaton okeşte və bə notaon diğğət nıkarde be. 

İnqiltərə ım mısodir bıə nat kırnə tanker 23 nəfər dıyoon və koəkəş be.