Zərif:Amerkə dınyo sulh və əmniyyətış de təhdid dim bə dim kardə.

İroni xarici koon vəziri votışe:Amerkə 1 tərəfə tojə problem icod əkə hərəkəton beynəlxalğə səthədə ğanon hakimiyyəti zəif karde holədəy.

İroni xarici koon vəzir Muhəmməd Cəvad Zərif zinə Venesoela paytəxt Karakas şəhrədə "Nəm" ya umuj nıqıniyə məmləkəton xarici koon vəziron iclosədə votışe:beynəlxalğə həmkarətion xəyli baxşonədə muncumlə ozodə ticarət,ekoloqiya,ğanoni hakimiyət, beynəlxalğə təşkilaton və xəyli baxşonədə təcrubə nıbə sorətədə ziyan vinde holədəy.

Zərif milady 2000 minnə sori nav 10 sorədə bə Amerkə 1 tərəfə fəaliyyəton və siyasəton mincumlə işğalqərətion,be rəhmi,xışmqinə radikalə hərəkəton,faciəvinə nəticon işarəş  karde və Amerkə tojə 1 tərəfə hərəkəton vədə mande zərurətiku  qəpış jə.

İroni xarici koon vəziri votışe: Amerkə xəyli şərikon ıştə daxili koonədə mudaxilə karde təcrubə nıbə siyasəton xətoədə dim bə dimin və əlavəş karde Amerkə atom sazışi arəku bardeyu ıştə fəaliyətonədə ne ım ki əmniyyət şura ğətnaməonış bə lınqi ji no bəlkə ə məmləkətonış ki ım sazışədə mandeyu ıştəni vəzifədo vində bin de sank siya dim bə dimış karde.

Zərif votışe:İron İslam Respublika,Amerkə tojə 1 tərəfə hərəkətonədə muğavimət cəhbə nav xətədəy və əlavəş karde Venesoela daxili koonədə Amerkə oşkoə mudaxilə muncumlə dəvardə aprelə manqi de hərbion dasi devləti peqordımon kardeyu cəhdon muncumlə Amerkə bevəcə rəftoronkuy.

Amerkə xarici koon vəziri votışe: Amerkə ğeyre ğanoniyə hərəkəton Asiya ğərb məntəğədə no oromətion ve kardeyuy və votışe: bəzi ərəbə rejimon bə Fələstinı milləti zid Amerkə fitnəqərə planonədə həmroəti kardən,ne ım ki bə Fələstinıjon xəyanət kardən bəlkə məntəğə həmmə vıronədə sulh və əmniyyətışon de təhdid dim bə dim kardə.