De islamiyə məmləkəton əlağə inkişaf doeyu Laricani işarə

İroni islamiyə şura məclisi rəisi votışe:həmmə cəhətonədə de islami ərəbiyə məmləkəton əlağon ve kardeyu İron ğədəm pebəqəte.

İroni islamiyə şura məclisi rəisi votışe:həmmə cəhətonədə de islami ərəbiyə məmləkəton əlağon ve kardeyu İron ğədəm pebəqəte.

bə İRNA xəbon əsosi Əli Laricani zinə tehronədə de iraği Əldəvə partiya siyasiyə mərkəzi rəisi Xəzir Əlxəzayi təşkil doə vindımonədə məntəğə bəzi məmləkəton tərəfiku bə mıstəbə siyasəton təşkil karde zərurəti işarəş karde və votışe: qıləy əmn və oromə İrağ çəmə məmləkəti millət iyən rəsmi şəxson tələbonku heste.

ironi islamiyə şura məclisi rəis təkfiriyə terroriston vədə bə iraği tojə muvəfəğiyyəton işarəş karde və votışe:islamiyə respublika iraği inkişafiyu hozzı heste ta ixtisadi siyasi elmi iyəm mədəniyə təcrubəon ım məmləkəti ixtiyurədə bınə.

Xəzir Əlxəzayi həm votışe:bə 2 tərəfə ehtıromon əsosi İron və İrağ zumandə əlağəşon heste.

Əlxəzayi bı nezə rujonədə Mosulı ozod kardeku xəbəş do və votışe:iraği silahlinə ğıvvon çı məmləkəti milləti tərəfiku təşkil bə ğıvvon kənoədə bə İŞİD təkfiri iyən terroristiyə ğıvvon zid ciddiyə mubarizəşon təşkil kardə və bəştə mubarizə dəvom dodən.

iraği Əldəvə partiya siyasiyə mərkəzi rəis həmçinin irağədə oroməti və əmniyyəti təşkil kardeyu ironi mısbətə koməkonku təşəkkurış karde.