Pars Today

İroni xariciyə koon vəzorətxonə sıxanəvoti votışe:İslamiyə Respublika ,atom sazışi hifz kardeyu avropavıjon əməliyə hərəkəton intizarədən.

İroni xarici koon vəzorətxonə sıxanəvot sed Əbbas Musəvi ımruj daxili və xariciyə jurnaliston xəbəriyə iclosədə votışe:İron bə Avropa şifahiyə vədəon və siyasiyə bəyonoton peştpur ni və əlavəş karde diplamatikə fəaliyyəton atom sazışi hifz kardeyu dəvomış heste əmmo əqər Avropavıjon ım sazışədə ıştə vədəon icrayi nıkən İron 3 minnə qəmi çimisə zumand pebəqəte.

Musəvi ıştə sıxanon dəvomədə Braziliya məhkəmə təşkilati hərəkətış bə İroni 2 qılə kəşti enerji rusneyu qıləy məsuliyyət ğəbul bıkə hərəkətış zınə və əlavəş karde coqlə məmləkəton həm bəpe dərəson Amerkə ğeyre ğanoniyə ğoldorətion vədə bımandon.

İroni xarici koon vəzorətxonə sıxanəvoti eyne holədə bə Yəmənı zid xoninə hucumonədə bə İ bə ərəbon əmirətion siyasəti əvəz be işarəş karde və votışe:İ bə Ərəbon əmirətion hərbiyə ğıvvon kam be Yəmənı məmləkətdə qıləy mısbətə qəme və bəzne bə məntəğə əmniyyət və oroməti iyən məntəğə problemon mincumlə Yəmənı problem kam be bois be.

Musəvi,Səudiyə rəsmi şəxson votə sıxanon həxədə de İron votımon dəvoneyu votışe: İron çandəkərə har qılə şərtiku kəno islamiyə məmləkəton miyonədə bıə məsələon həl kardeş tələb kardə və har hərəkətiku ki bə islamiyə məmləkəton nezi bois bıbo istiğbal bəkay.

sed Əbbas Musəvi votışe: İslamiyə məmləkəton məsləhəton xoto ixtilafon bəpe bə kəno noə bıbon,çunki ım hərəkət bois bəbe ki ğeyre ğanoniyə rejimon çı vəziyyətiku suistifadə nıkən.

Musəvi Niqeriya islamiyə hərəkati rəhbər Şeyx İbrahim Zəkzaki vəziyyəti barədə həm votışe: Şeyx Zəkzaki elmi və məzhəbi yolə şəxsiyyəte və mıslmonon miyonədə yolə vırəş heste və İron çəy ozod kardeyu həmmə curə fəaliyyət kardə İroni xarici koon vəzorətxonə mediyaiyə mərkəzi rəis Amerkə xarici koon vəzir Mayk Pompeo tələb bə İron səfər karde və de İroni mediyaon votımon karde həxədə həm votışe:ım tələb ,ironi xarici koon vəziri de Amerkaiyə mediyaon votımon karde vədə qıləy hucuminə hərəkəte və pisixiyə canqi cəhətdə əncom bedə.

İroni xarici koon vəzorətxonə sıxanəvot eyne holədə həminə haftədə Çin və Hindostanı rəsmi şəxson bə Tehron səfər kardeku xəbəş do.