Amerkə hərəkəton vədə Zərifı reaksiya,sanksiyaon təsirış ni.

İron İslam Respublika xarici koon vəzir,Amerkə sanksiyaonış be təsir zınə.

Muhəmməd Cəvad Zərif ımruj sıb Amerkə sanksiya siyahiədə ıştə nomi ğəror qəte vədə reaksiyaş nışon do və tuviterədə nıvıştışe:çıman nom Amerkə sanksiya siyahiədə ğəror qəte dəlil ıme ki dınyo həmmə vırədə az İroni əslımandə sıxanəvotim.

İroni xarici koon vəzir ım suali bəyon kardeədə ki ım  həğiğət yəni ironi devləti əslımandə sıxanəvot be ım əndozə dardış heste? və əlavəş karde Amerkə sanksiyaon şəxsən çəy piyo iyən  çəy ailə piyo təsirış ni,çunki  İroniku kəno sərvət ya foydəş ni.

İroni xarici koon vəziri votışe: Amerkə əy ıştə bərnamon vədə yolə təhdid hisob vardeku ve şoy.

Amerkə maliyə vəzorətxonə çı məmləkəti devləti bə sanksiya adəton dəvomədə ımruj sıb bə Tehroni vaxti əsosi İron İslam Respublika xarici koon vəziri nomış de sanksiya dim bə dim bə kəson siyahiədə ğərorış do.

Amerkə maliyə vəzorətxonə ım əməl bəvədə təşkil be ki Zərif bə Amerkə ıştə tojə səfərədə Amerkə xəyli mediyaonədə məxsusə musahibəş təşkil doə be.

Amerkə xarici koon vəzir Mayk Pompeo oşkoə holətədə İroni xarici koon vəziri Niyuyurkədə təşkil doə musahibəonku de Amerkə mediyaon ıştə xışmış nışon doə be.

İroni xarici koon vəzir Muhəmməd Cəvad Zərif nako Amerkə devləti tərəfo ıştə sanksiya  məsələ barədə votəş be Amerkə sanksiya siyahiədə çəy nomi ğəror qəte yeqanə təsir və ehtimalən yeqanə hədəf çəy zumandəti rabitə bərğəror kardeyuy.