Ğərb bə insonə həxon rioyət nıkarde mıttəhəme.

İroni məhkəmə təşkilati rəis islamiyə kişvəronış bəşər həxon iddioəkəyon vırədə hisobış karde və votışe: ğərb iştən bə insonə həxon rioyət nıkarde mıttəhəme.

Huccətul İslam vəlmoslemin Seyed İbrahim Rəisi zinə de Əfğanıstoni senat məclesi sədr Fəzl Hadi Muslimyar vindemon karde cərəyonədə votışe: islamiyə kişvəron bəşər həxon iddeo karde barədə həmkari və həmohənqi lazime.

Əv bənə İŞİD terroristiyə qrupi çı Amerkə əbzar hisobış karde və votışe: istikbor pidəşe de ım əbzari islamiyə kişvəron noəmn bıkə.

Huccətul İslam vəlmoslemin Seyed İbrahim Rəisi təsdiğış karde: ımruj Ale-Səud rejim məntəğə ədə istikbor hədəfon çərçivədəy və Yəməni milləti xon de Amerkə hidayət və rəhbərəti ru karde bıdə.

İroni məhkəmə təşkilati rəis bə İron və Əfğanıstoni miyono əloğəon işorəş karde və votışe: Əfğanıstoni millət beynəl xalğ istikbari vədə muğavimət karde xoto qıləy zumandə milləte və ım sahədə deşmənon vədə nurani muğavimət karnaməş heste.

Əv 2 qılə kişvəri zumandə həmkarion rişəş islamiyə mıştərik xaric və əğidəon zınəş be.

Əfğanıstoni senat parlamenti rəis zinə İronədə vindemon və muzakirəon dəvomədə de İroni xarıci vəzir Muhəmməd Cəvad Zərif həm muzakirəş kardə be.