De İroni Yolə Rəhbəri iştiroki Aşura şəvi əzodorəti mərasim.
Aşuraye Huseyni(ə) şəvi matəmə mərosim de İslami İnğilabi Yolə Rəhbəri, rəsmi şəxson və bə Əhlebeyte İsmət və təhorət(ə)i çandə həzo aşiğon iştiroki İmom Xomeyni nomo huseyniyədə bərpo be.
Bə İrib raporti əsos zinə şəv ım mərasimədə huccətul islam vəl muslimin Rəfiei bə kərbəlo əzəmətinə hadisə işarəş karde iyən de həzrəti ım ğiyami muxalifon barədə votışe: həmonə muxalifonku idastə çı hukuməti muzduron bin ki de İmom Huseyni zumand və şucaətinə reaksia vindeşone.
Rəfiei Həzrət imom Huseyn(ə)-i hərəkəti muxalifon co kəsonış rifoh və rohət tələbon elanış karde və votışe: 3 minnə dastə həm məxsus məsələn əshab bin ki çəvon karnamə iyən sabiğədə hətto cəhod iyən islom roədə fidokorətion bin əmmo çəvon bəsirət və istidlol ğıvvə zəif be.
Mərosimi natiğ bə həxinə İmomi vədə tam təslim bey bənə hərəbaxtəti iyən xuşbəxtiyəti sir zınəş be və əlovəş ka: İmom Huseyn(ə)-i ğiyom bə xıdo əmri əsos be ki Kərbəloədə çəy həmmə əshob İmom şinasi və həxi vədə təslim bin.
Mərosimi dəvomədə həm məddohon rozə iyən mərsiyəşon hande.
Məhərrəmə manqi 10-ə ruj dınyo şiəyon 3 minnə imom Həzrət İmom Huseyn(ə) şəhodəti sorəqardışe ki hicri ğəməri 61 minnə sori məhərrəmə manqi 10, 57 sorətiədə kərbəloədə şəhid be.
