Səudiyə rejim; məntəğə sulh və əmniyyəti təhdidəkəy.

İ Bıə Milləton Təşkilatədə İroni nımoyəndə, Ərəbistoni xarıci vəziri anti İron sıxənon barədə votışe: Ərəbiston ıştən məntəğə sulh və əmniyyəti təhdidəkəy.

Bə İrib raporti əsos Eshağ Ale Həbib votışe: Ərəbiston karde ni bəzne detosə həmişə İroni vədə ıştə məğlob bıə siyasəton məxfi bıkə.

Əv təkidış karde: qıləy şərayetədə ki İron məntəğə votımonon domuədəy ƏRəbiston ijən bəştə şomə siyasəton icbor və isror kardedə.

Ale Həbib bə dınyoədə radikalizm və terrorizmi rəvoc doe xoto ƏRəbistoni çand milyard dollar xərcon işorə və təsdiğış karde: Suriyə ədə bə Daeş komək karde, Setiyabrə manqi terroristiyə hadisə, bə Yəmən təcavuz iyən dınyoədə Vəhabiyət əğidə rəvoc doe əcumlə Ərəbistoni həminə radikalə bevəcə hərəkət iyən rəftoronin.

Eshağ Ale Həbib votışe: Səudiyə rejim karde ni bəzne anti İron ittihamon vasitə məntəğə ədə ıştə vəziyəti xilos bıkə.

Tojədən İ Bıə Milləton Təşkilatədə Ərəbistoni xarıci vəzir ijən iddeoş karde ki İron bə Ərəbistoni Aramko natə təsisaton həmlədə rolış be.