Ərəbistonədə mısılmonon şəhodəti barədə islamiyə dıvləton sukut ğəbul kardənin ni.

Mərcəe təğlid Ayətullah Safi Qolpayeqani Ərəbistonədə i dastə şiəyon şəhodəti səbəsəloməti votışe iyən təkidış karde: ım dəhəştinə cinoyəti barədə islamiyə dıvləton ıştə insoniyə vəzifə çı yodo bıkardəşone.

Bə Mehr aqentiyəti raporti əsos Ayətullah Safi ım hadisə barədə iyən Ərəbistoni cinoyətiku ıştə şidətinə təəsufi elanış karde və votışe: Səudiyə siyohə rejimi tarixədə jıqonə cinoyəton stajış ni iyən çandə beqınoh və məzlumə cıvonon şəhvət çı beynəl xalğ iştimaiyət iyən bəşər həxonku məsələn mudafiəkə orqanon xəcoləti bois bıdə. 

Əv əlovəş karde: boçi islamiyə dıvləton ım dəhəştinə hadisə barədə sukut kardedən. 

Ayətullah Safi Qolpayeqani ıştə sohbəton dəvomədə islamiyə dıvləton və milləton vəzifə sukut nıkarde iyən insoni cəhəto ım cinoyəti məhkum karde hisobış ka. 

Ərəbistoni rejim Aprili 23 de terrorizm mubarizə barədə bəhonə 37 nəfər Səudiyə şəhrvandonış edam kardışe. 

Im cinoyəti reaksiyadə Ərəbistoni bəşər həxon mudafiəkə kamissiya elanış karde ki jıqo edamon Səudiyə rejimi vəliəhd Muhəmməd Bin Səlmani cinoyəton məxfi karde əncom bıdən. 

​​​​​​