Ruhani:Malaziya və Yaponiya məmləkətonədə ve çokə roziyətion bə dast oməy.

İron İslam Respublika prezdent ki Malaziya və Yaponiya 1 minnə vəziron rəsmiyə dəvəti vədə bə ım 2 qılə məmləkət səfərış kardə be zinə əsrə vaxti bə Tehron oqardə.

İron İslam Respublika prezdent ki Malaziya və Yaponiya 1 minnə vəziron rəsmiyə dəvəti vədə bə ım 2 qılə məmləkət səfərış kardə be zinə əsrə vaxti bə Tehron oqardə.

İron İslam Respublika prezdent bə Tehron daxil bə vaxti, ısətnə zəmanədə Malaziya və Yaponiya səfərış ve əhəmmiyyətin zınə və votışe:Malaziya və Yaponiyaədə ve çokə roziyətion əncom bən.

Prezdent Ruhani ,Koalalamporı iclosi kənoədə bə Malaziya,İron,Tırkiyə və Ğətərı məmləkəton yolon iclosi işarəş karde və votışe:ım iclosədə 4 qılə məmləkəti həmkarəti kardeyu çokə nəticon bə dast omən və əlıbətdə ğəror noə be tojə texnoloqiyaon və sənaye baxşonədə həmkarəti kardeyu həm coqlə məmləkətonku həm dəvət bıbo.

İron İslam Respublika prezdent əlavəş karde ve rəv İron və Malaziya mıştərəkə həmkarəti iclos təşkil bəbe və Malaziya 1 minnə vəzir Mahatir Muhəmməd meylış heste ve nezə rujonədə bə İron səfər bıkə.