İronədə 2000 nəfəriku vey bə koronavirusi məbtəlo bıə kəson çok bıdən.

Bə İroni səhiyyə vəzarətxonə oxonə raporti əsos detosə bə ısət 2134 nəfər bə koronavirusi mıbtəlo bıə İronıjə şəhrvandon çok və noxəşxonəonku mırəxəs və ozod bıdən.

Əmmo xəbəon jıqo hikayət kardedə ki İronədə 6 həzo nəfəriku vey koronavirusi qəteşone ki çəvonku 200 nəfər mardedən.

Isət koronavirus Çin və İroni kənoədə bə dınyo 103 qılə kişvər həm varid be.

Təğribən dınyoədə 106 həzo nəfəriku vey koronavirusi qətəşone.

Əmmo İroniku qılə çokə xəbə ıme ki çand qılə İronıjə damon ki tojədən koronavirusi mualicə karde xoto soxtə bəy qədə qədə insonon və mıbtəlo bıə kəsonədə imtivon karde holədəy ta bə çokə nəticəon dast peydo karde bəpeştə koronavirusi ğəti damon istihsal bıbu.