Zərif: korona çı Amerkə zalimanə sanksiyaon həğiğəti oşkoş karde.

İroni xarıci vəzir votışe: İronıjon səlomət şərayeti bə sanksiya dənoe həmonə i minə rujonədə çı Amerkə anti İron iğtisadi sanksiyaonədə nəzərədə qətə be.

İroni xarıci vəzir Muhəmməd Cəvad Zərif zinə qıləy video mesajədə ki Nəvuzə İdi dəme mınosibəti kəşə be votışE 6faxti qıləy millət dəvo-damon iyən homanitarə koməkonku məhrum bıbu co kişvəron muğaisədə qıləy nobərobər zəifə şərayetədə bemande.

İroni xarıci vəzir de təhrimon mubarizə barde xoto bə tojə əsrədə tojə diplomatiya metodiku istifadə karde işorə və təsdiğ kardışe: İroni milləti de koronavirusi mubarizəon bois be ki İroni daxil və xaricədə İronıjon miyono pesoxtə bıə marzon arəku beşo.

Zərif təkidış karde ki vətənpərəstə İronıjon de koronavirusi xətəriku oğo bey ısət marzon bə kəno bə səlomət iyən ıştə coni oqəte fik kardedən.

İroni xarıci vəzir bə sanksiyaonku Amerkə ğəsd və hədəf iyən de ım əbzari İroni bə təcrid barde xoto Amerkə xəbisə siyasəti işorə və əlovəş karde: İron ijən bome, rost bəbe və sanksiya zindoniku xilos bəbe.