Rəməzan Əbdullah xidməton bə təğdiri loyiğin.

İroni prezident çı Fələstin islamiyə cəhad hərəkati sabiğ rəis, Rəməzan Əbdullah Şələh bəfoti təsliyətış vote.

İroni prezident Həsən Ruhani zinə ıştə mesajədə ım matəmi bə Fələstin və dınyo muğavimət qrupon sə bə səloməti votışe iyən təkidış karde ki: Rəmezan Əbdullah çı Fələstin mubarizəon tarixədə bənə qıləy norani ço be.

Ruhani ijən təkidış karde ki Rəmezan Əbdullah bənə zəhmətqəşə alim, ıştə omri vey zəmoni bə Fələstin məzlum millətiku himoyədorəti karde iyən Ğuds ozodəti hədəfi oqəte vəğf kardəş be.

İroni xarıci vəzir Muhəmməd Cəvad Zərif, beynəl xalğ koonədə İroni Yolə Rəhbəri məslehətçi Əli Əkbər Velayəti, islamiyə məzhəbon miyono təğrib beynəl xalğ təşkilati yol Həmid Şəhriyari, İroni islamiyə şura məclesi rəis Muhəmməd Bağır Ğalibaf və İroni sepah təşkilati fərmondə qeneral Husein Səlami həm ıştə məxsusə mesajonədə ım hadisə təsliyət və muğavimət cəhbədə bıə Rəmezan Əbdullah muhimmə rol işorəşon karde.

Yəməni Ənsarullah muğavimət qrup iyən Bəhreyni cıvonon inğilob hərəkati həm Fələstini islamiyə muğavimət təşkilati bəfoti təsliyət votışon.

Rəmezan Əbdullah 2 sor de noxəşti mubarizə barde bəpeştə zinə 62 sorti sinədə bəfotış karde.

Əv Fəthi Şəğaği terrori bəpeştə 23 sor çı Fələstin islamiyə cəhad hərəkati rəis be; ısət Ziyad Əlnəxalə ım hərəkati yole.