Ruhani: təziğon jintonədə həm İroni millət təslim nibəbe.

İroni prezident bə İroni millət fişar vardeyro dışmenon anti İron xəbisə planon barədə votışe: İroni millət təziğon vədə muğavimət kardeyro lozim iyən kifoyət ğədər zuşone iyən təslim nibəben.

İroni prezident Həsən Ruhani zinə de Korona virusi mubarizə barde məxsus iclosədə əlovəş karde: İroni millət de sanksiya, Korona virus yaxot har behroni mubarizə barde sahədə de həmdıləti və həmkarəti məşkilaton hoston kardən.

Ruhani bəyonəış karde İronədə anədə loyehə-poryekton bə vırə rosniye əv həm Korona virus ya xot sanksiyaon jentonədə nışo doydə ki İron ijən inkişof və ozavziye vəziyətədəy.

Əv təkidış karde ki bə tale umidıvo bey iyən de tədbir-bərnomə mışkilaton həl bəbe iyən çokə tale çəmə intizorədəy.

İroni prezident Həsən Ruhani bə İmom Huseyn(ə)-i şəhodət əyyomi əhəmmiyət işarə və təsdiğış karde: məhərəmə manqi mərosimon bəpe İroni həmmə vərəonədə de səhiyyəvi prinsipon rioyət karde iyən əzəmətin bərpo bıbu ta ım sahədə İroni çoknə mərosim dəvoniye bo dınyo şiəyon bənə olqo bıbu.

Əv İroni milləti jimoni de İmom Huseyn(ə)-i eşğ-mıhəbbəti və de Aşura mədəniyyəti anqıl bıə həyat zınəş be və votışe: ım ki İron çı Amerkə sultə vədə muğavimət kardedə Aşura məktəbədə dərson xotoe və ım mədəniyət ironi milləti ğoimış karde.