Ruhani: İroni milləti həxədə Tramp vey xəbisə cinoyətonış əncom doə.

İroni prezident çı Amerkə dıvləti beynəlxalğ ğanuni poymoləkə iyən mıstəkbir bə hisobış varde və votışe: Amerkə prezident bə İroni milləti zidd vey xəbisə hərəkətonış əncom doə.

Həsən Ruhani zinə əsrə faxti bə əmniyət şuraədə Amerka dıvləti tojə məğlubiyəti işarə və takidış karde: Tramp de ətomiyə sazışiku xaric bey vositə və de ğeyri ğanuni sanksiaon fəğət İroni milləti həxi poymol kardəş ni! bəlkəm de çand qılə kişvəri həm ıştə əhd-peymonış darıştə.

İroni prezident çı Amerkə dıvləti cinoyətonış aşmarde və əlovəş karde: Amerkə rejim de komil beədəbəti iyən yoləşəxəti qeneral şəhid Suleymanış terror karde və rəsmən ım cinoyəti məsuliyətış bə ohdəş peqəte.

İroni siloh sanksiyaon mıddəti dıroz kardeyro Amerkə təklif doə ğətnomə zinə şəv Əmniyət Şuradə de 11 qılə neyteral, 2 qılə muxalif iyən 1 qılə muvafiğ sədo rədd be, ısət oktyabriku İroni siloh sanksiaon peqətey bəbe.