İroni şəhidə jurnalisti təşicənazə tehronədə bərpo be.

Telerədyo şəhidə jurnalisti təşicənazə mərasim tehronədə ironi islamiyə şura məclisi rəis iyən rəsmi şəxson iştirak kardeədə bərpo be.

Telerədyo şəhidə jurnalisti təşicənazə mərasim tehronədə ironi islamiyə şura məclisi rəis iyən rəsmi şəxson iştirak kardeədə bərpo be.

ironi telerədyo jurnalist Muhsen Xəzayi şanbə ruji reportaj hozzı kardə vaxti Suriyə Hələb şəhrədə bə şəhodət rəsə.

bə telerədyo aqentəti xəbon əsosi ironi islamiyə şura məclisi rəis Əli Laricani ımruj  şəhid Xəzayi təşicənazə mərasimədə votışe: saxt iyən bohraniyə meydononədə ironıjə jurnaliston iştirak karde bə islamiyə inğilabi hədəfon çəvon vəfodorətiku hikayət kardə.

ironi məclisi rəisi votışe: suriyədə ironi huzur hərbiyə məsləhəton doeyu bə ım məmləkət iyən məntəğə əmniyyət və oroməti oqırdıneyu heste.

ironi telerədyo təşkilati rəis Əbduləli Əli Əskəri həm ım şəhidə jurnalisti mərasimədə huzurış hest bı.

şəhid Xəzayi pokə cənazə zinə Dəməşğədə həzrət Zeynəb(s) pokə hərəmədə təşi be bəpeştə bə tehron ovıştıniyə bedə.

şəhid Xəzayi çı Qilan ostani telerədyo xəbər baxşi mudir be.