Qeneral Ğasım Suleymani, de terrorizm mubarizə bardə beynəl xalğə ğəhrəman.

Imruj, miladi 2021-ə sori Yanvari 2 hicri şəmsi 1399-ə sori Dey manqi 3 de İroni Sepahe Ğuds təşkilati nakonə fərmondə şəhid Ğasım Suleymani şəhodəti sorəqadışe.

İroni Sepahe Ğuds təşkilati nakonə fərmondə Qeneral mayor Ğasim Suleymani ki de İraği dıvləti rəsmi dəvət miladi 2020-ə sori Yanvari 3 bə ım kişvər səfərış kardə be, Bəğdad airporti ətrofədə de Amerkə terroris iyən təcavuzkorə ğıvvon həvo həmlə və de İraği Həşdu-Şəəbi muğavimət təşkilati muavin Əbuməhi-Əl-Muhəndis iyən co 8 nəfər muğavimət rəzməndəon bə ico şəhid be.

Ğeneral Şəhid Ğasım Suleymani ki bə Muğaviməti Seydu-Şuhəda məşhur bıə, ıştə bərəkətinə umri mıddətədə bənə Sepahe Ğuds təşkilati fərmondə be ım ki bə milləton miyono bıə fağon diğğətış bıbu, bo ıslom iyən ğəroni royədə bıə mıslmononku himoyədorəti karde cəhdış be.

Suleymani həmçenin de İrağ iyən Suriyədə bəsic ğıvvon təsis karde əmələn de məntəğədə İŞİD-i məhv karde ım 2 qılə kişvərədə əmniyəti icod və bə milləton hədyəş do.

İroni Sepahe Ğuds təşkilati nakonə fərmondə Qeneral mayor Ğasim Suleymani şəhodəti barədə İroni Yolə Rəhbər hamiyəşe be: çəmə əziz iyən fidokarə qenerali nıbe telə hadisəy əmmo mubarizə dəvom iyən bə oxonə səbarzəti dast peydo karde ğatilon iyən cinoyətkoron ğəvi vey təlx bəkay.

Həzrət Ayətullah Xamenei təkidış karde: İroni millət çı aliməğomə şəhid qeneral mayor Ğasim Suleymani iyən dəy bə ico bıə şəhidon xususi islam dınyo yolə mucahid Əbu Məhdi Əl-Muhəndesi yod və nomi yol və əziz ğəteydəmon.

İroni Yolə Rəhbər ıştə həmonə faxti mesajədə təkidış karde: vey soron de dınyo cinoyətkoron iyən şəytonon xalisanə iyən şucaətinə mucahidət iyən anədə Xıdo roədə şəhodəti tələb karde, oxoy sə çəmə əzizə Suleymani bə ım barzə vırəş rosne və çəy pokə xun de aləmi vey bədtinətə kəson dasti bə zəmin ekarde.

Ə Həzrət əlovəş karde: şəhodət, həmə soronədə bıə qeneral mayor Ğasim Suleymani daimə səy-cəhdon mıkofot be və de çəy şəhodəti, çəy ko iyən ro baste ya xot bexıvand nibəbe.

Həzrət Ayətullah Xamenei, şəhid Ğasim Suleymani çı muğavımət məydoni qıləy beynəl-xalğ şəxsiyət bə hisobış varde ki muğavıməti aşiğon çəy xuni əvəzi sə xısuskoronin iyən təsdiğış karde: həmməy duston iyən deşmınon oğo bıbun ki muğavimət cəhodi xətt iyən ro de çand bərobərə ənqizə dəvom kardedə və hukmən səbarzəti ım mıborəkə roədə bıə mucahidon intizorədəy.