Xətibzadə: İron bankrot bıə uzvon pesoxtə bə təziğon vədə əsir əbı ni.
İroni xarici koon vəzorətxonə sıxanəvoti votışe: İron qıləy məsulə məmləkəti nomo texnoloqiya çərçivon iyən mıstəğilləti əsosi Ukrayna təyyarə bə zəmin eqıne hadisə cəvob bıdəy və bankrot bıə kəson pesoxtə bə təziğon iyən siyasiyə hərəkəton vədə təslim əbı ni.
İroni xarici koon vəzorətxonə sıxanəvot Səid Xətibzadə ımruj haftədə de jurnaliston təşkil bə iclosədə Ukrayna təyyarə bə zəmin eqıne barədə əlavəş karde çı hadisə mıttəhəmon məhkəmə mərhəlon təğib bedə və bə ğanonon əsosi de ciddi dəvomış heste.
İroni xarici koon vəzorətxonə sıxanəvoti əlavəş karde:Bə Çikaqo muğavilə 13 minnə izofə bə madə əsosi İron vəzifədo be 1 sor hadisə bəpeştə ıştə texniloqiya məlumaton təğdim bıkə və ım muhimmə koş əncom doə.
Xətibzadə votışe: İron bə kırtə məsəlon diğğət doe əsosədə Okriyna təyyarə suğutış təğib kardə əmmo bəzi məmləkəton siyasət iyən kali bankrot bə şəxson bə ım məsələ daxil be nışon dodə bəzion im məsələ siyasi karde domoədə hestin və çəy həl karde domoədə nin.
İroni xarici koon vəzorətxonə sıxanəvot Avropa troikay de 20 faiz miğdori orani qəncin kardeyu İroni devləti bərnamon həxədə votışe: ım məmləkəton ne ım ki bəştə vəzifon əməlışon kardə ni bəlkə atom sazışi darışteədə Amerkə cinayətonədə şərik hestin.
Xətibzadə əlavəş karde:Avrupavıjə məmləkəton ve çok zındən əviki ımruj ironıjon tərəfo ıştə vədəon kam karde həxədə təşkil bedə bə ım beynəlxalğə sazışi 26 və 36 nə baxşon əsosiye.
İroni xarici koon vəzorətxonə sıxanəvot Koreya heyəti bə İron səfər karde həxədə iranpress aqentəti jurnalisti suali cəvobədə votışe: ım səfər seul bə Tehron bıə ğarzon xotoye eyne holədə Cənubi Koreya məmləkətdə bıə İroni oqətə polon bəpe təcili sorətədə oqordıniyə bıbon.
Xətibzadə Amerkə Yəmənı Ənsarullah de sanksiya dim bə dim kardeyu cəhdon həxədə votışe: mumkine Amerkə bankrot bə devlət ıştə oxonə rojonədə bə Amerkə sima(dimi) coqlə çanq dəkırno və çı məmləkəti ersi çimisə zəhrin bıkə.
İroni xarici koon vəzorətxonə sıxanəvot Amerkə hərəkətış İraği Həşduşşəbi təşkilati rəis Faleh Əlfəyyazi de sanksiya dim bə dim kardeş məhkum karde və əlavəş karde:ım ki İrağədə kolim qıləy devlətiyə təşkilati məsul şəxs Amerkə notəmiz iyən sanksiyaonədə dim bə dim bedə Asiya ğərb məntəğədə Amerkə bevəcə vəziyyətiku qıləy nışonəy.
Xətibzadə Amerkə tojə daxiliyə vəziyyət iyən Trampı tərəfdaron bə ım məmləkəti kanqıres daxil be həxədə votışe: bə şərm bois bedə ki Amerkə devlət həmməysə şərminə holətədə Sıpiyə kə tərk kardedə dınyo sərasərədə ve nohəxə xunon Amerkə yolon tərəfo bə zəmin emə vəım məmləkəti məsul şəxson bəpe qıləy ruji no həxə şərayetdə emə bıə xunon cəvobi bıdən.
