İronədə 94 nəfər Koronavirusiku mardən.

Dəvardə 24 saəti mıddətədə de təəsufi 94 nəfər Koronavirusi mıbtəlo bıə noxəşon İronədə ıştə coni dastiku doəşone.

Bə İrib raporti əsos və çı İroni səhiyyə vəzorətxonə muavini nəğliku ısət ım pandemiya nəticədə İronədə mardə kəson miğdor bə 59830 nəfər rəsə.

Sima Sadət Lari həmçenin elanış karde ki tojədən 8206 nəfər bə Koronavirusi mıbtəlo bıə kəs İronədə peydo bin ki çəvonku 687 nəfər hələ noxəşxonəonədən.

İronədə tosə bə ısət 1607081 nəfər Koronavirusi qətəşone ki de xoşbəxtiyəti noxəşon miqdoriku 1372409 nəfəri hal-əhvol çok be və əvon noxəşxonəonku mırəxəs və ozod bıən.

Ğeyd kardənine ki tosə bə ısət İronədə bə 11 milyon nəfər nızi Korona testi doəşone.