Əfğanistoni Ğonduzədə İŞİD-i tojə terroristiyə cinoyət.

İroni xarıci vəzorətxonə sıxanəvot, Əfğanistoni Ğonduzədə bıə şiəyon qıləy məçidədə faciyəvinə terroristi cinoyəti məhkum və de ın ğəmqinə vağiyə ğıbon bıə kəson ailəon ıştə həmdardəti nışoş do.

Bə Fars aqentiyəti raporti əsos, Səid Xətibzodə, ıştə mesaji dəvomədə Xıdoku bo zəxmin bıə kəson şifo tələbış karde.

İroni xarıci vəzorətxonə sıxanəvot votışe: terroristi hərəkəton de har şivə iyən forma, məhkum kardənine.

Zinə iyən Əfğanistoni Ğonduz viloyətədə bıə şiəyon qıləy məçidədə iyən cımə nımuji vote cərəyonədə bomba tıpı, tosə bə ısət 100 nəfərik vey kışte bə 200 nəfəriku vey zəxmin bey bois bıə.

DAEŞ- tırroristi qurup rəsmən həminə həmlə məsuliyəti bə ohdəş qətə.