Tehroni cumə nımoji xutbəon.

Tehroni cumə nımoji xətib, Ərəbistonış, İrağ və Suriyə umumiyə binaon vironə karde ijən məntəğədə noəmnə vəziyəti məsul zınəş be.

Ayətullah Muhəmməd Ali Movəhhedi Kermani, zinə Tehroni cumə nımoji xutbəonədə bə Ərəbistoni xarıci vəziri tojə iddiyaon İrağ və Yəmənədə İroni mıdoxiləon barədə işorəş karde və voteşe: ısət dınyo həmmə cəmaəton və iştimayi fikon bə Yəmən , Bəhreyn, İrağ və Suriyədə bıə cinoyətoni ki de Ərəbistoni sə rostə mıdoxiləon əncom bey holədəy oğoin.

Tehroni cumə nımoji mıvəğğətə imom təsdiğış kardə: Ərəbiston və məntəğə bəzi co kişvəron həmçınin istikbariyə məmləkəton jıqo fik kardə bin ki de hərbiyə hucumi bəbe Suriyə ğanuniyə devlət və prezidenti bə kəno noey bəzıneyn. əmmo, jıqo siyasəton fəğət vironəon ijən xunon ru karde və cinoyəton boyis be.

Ayətullah Muvəhhedi Kermani həmçınin Donald Trampi bə ixtidor rəse barədə bə Amerika tojə prezident tosiyəş karde: Amerika navnə prezidenton siyasəton dəvom doe əvəzi ijən co kişvəron daxıli koon mıdoxilə karde bə kəno, ıştə kişvəri milləti veyə problemon həl bıkəyn .

Tehroni cumə nımoji xətib əlovəş kardə :Amerikə prezident bəbe oğo bıbu ki ıştə con, pul və nomusiku modafiyə əkəon terrorist nin və az tovsiyə kardəm ki əv bə beynəl-xalğiyə ğanunon əməl bıkə.

Ayətullah Muvəhhedi Kermani bə İronədə İslamiyə İnğilabi səbarizəti sor qardemoni dəme işorəş kardə və votışe : 1979 minə sorədə İroni İnğilab vey rohət bə dast omə ni ijən vey cıvonon həminə roədə şəhid və ışkəncə bən ta İroni İslamiyə İnğilab bənə qıləy əmonət milləti dastədə bıbu.

Tehroni cumə nımoji mıvəğğətə imom həmçınin İronədə Plasko nomo bina rıjiye hadisədə çandə otəş okışton bə rəhmət şe ijən zəxmin bey barde ıştə təəssufi elanış kardə və bə zərər vindəkəson ailə sə  bıə səloməti votışe.