İroni Yolə Rəhbər: Fələstin çı vəhdəti simvole.

İroni Yolə Rəhbər ımruj çı islami vəhdəti iclosi mehmonon iyən İroni rəsmi şəxson cəmədə təkidış karde: Fələstin çı vəhdəti simvole iyən həmonə kişvəron ki de sionist rejimi ıştə əloğəon normal kardəşone ıştə səhvə ko əvəzi bışon.

Bə Yolə Rəhbəri məlumatərosnə mərkəzi raporti əsos, və de İslami əzizə Peyğəmbər(s) iyən İmom Cəfər Sadığ(ə) viladəti sorəqardışi mınosibəti, Həzrət Ayətullah Xamenei islami vəhdəti iclosi mehmonon iyən İroni rəsmi şəxson cəmədə çı islami umməti 2 qılə muhimmə ko və məsuliyətış bəşəriyəti jimoni həmmə baxşonədə  islami komil bey rəvuc doe iyən mislmonon ibemoni zumand karde bə hisob varde.

Ə HƏzrət islami tojə sivilizasiya icud karde muhimmə hədəfi təin karde fəğət de şiə və sınnion vəhdəti mumkin zınəş be və votışe: Fələstin çı vəhdəti simvole və har çəxtə ki bo Fələstinıjon həx-huğuğiro ciddi bıbəmon islami vəhdət həm zumand bəbe.

İroni Yolə Rəhbər de sionist rejimi əloğəon normal kardə kişvəron ğəroli qıləy yolə qınoh iyən səhvə ko bə hisobış varde və əlovə kardışe: ın dıvləton bəpe həminə anti islami vəhdət hərəkət və royku oqardon iyən ıştə səhvə ko əvəzi bışon.

Həzrət Ayətullah Xamenei mısılmonon miyono i bemoni çı Kərimə Ğıroni ğəti fərizə və əmri bə hisobış varde iyən votışe: islomi vəhdət qıləy lozimə məsələy nə qıləy taktika ki bə məxsus şərayetədə istifodə bıbu, ın vəhdət mısılmonon həmdıləti bois bəbe ta de ğeyri islomi kişvəron həmkarəti və muzakironədə dast pur bıbəmon.

Ə Həzrət anədə bə vəhdət məsələ təkid karde illəti, məzhəbon miyono coəti iyən həminə coəti əlovə kardeyro dışmenon ciddi cəhdon bəyonış karde və hamiyəşe: ımruj şiə və sınni kələməon çı Amerkə siyosi ədəbiyotədə varid bıə, vəol ınki əvon de islomi muxalif və dışmonin.

Yolə Rəhbəri bə islom dınyoədə Amerkə və çəvon amilon təfrəğə və fitnə icod kardə olanon işorə və təkidış karde: bə mısılmonon iyən nımoj votə kəson zidd bıə terroristi həmləon ki tojədən Əfğanistoni məçidonədə de İŞİD-i vositə əncom bıə həminə fitnəkorə hərəkətonku qıləyniye və Amerkə rəsmən iyən ojə-oçkor bəyonış kardə be ki əmə DAEŞİ-i soxtəmone.

Həzrət Ayətullah Xamenei vəhdəti barədə harsornə qırbemonon kafiş nızne və əlovəş karde: ın sahədə bəpe bəhs, bəyon, təşviğ, plan kəşe iyən koon təğsim daimən əncom bıbu və bənə nımonə Əfğanistoni barədə qıləy roon ıme ki ın kişvəri ısətnə rəsmi şəxson muxtəlif  məçidonədə iştirok kon ya xot sınnion bə mıştərik cəm bıə vırəon bışon.