İğtisodi əloğəon çı İroni xarıci siyosəton mehvəre.

İroni xarıci vəzir de muxtəlof kişvəron xususi de hamsuyəon iğtisodi və ticori əloğəon inkişofi çı İroni dıvləti xarıci siyasəton mehvər bə hisobış varde.

Bə İrib raporti əsos, Husey Əmirəbdullahiyan, tojədən de İroni ozod ticari məntəğəon rəisi vindemoni cərəyonədə bə İronədə sərmoyə noero xarıci kişvəron tələbi işorəş karde və həminə zərfiyətonku istifodə karde çərçivədə bə mıvcud zərfiyəton istifodə karde təkidış karde və votışe ki İroni xarıci vəzorətxonə həminə cəhətədə de ozod ticori-iğtisodi məntəğəon həmkarəti karde bəzne.

İroni ozod ticari məntəğəon rəis Səid Muhəmməd həm bə ın təşkilatədə tojə təhəvvolaton işorəş karde və bo investoron cəz kardeyro bə İronədə anədə bıə zərfiyəton işorəş karde.

Səid Muhəmməd çı İroni xarıci vəziriku tələbış karde ki bo xarıci sərmoyəon cəzb kardeyro xususi İroni ozod məntəğəonədə investoron iştirokiro koon və ğərəlon prossesədə hostonəti icod kardey cəhətədə bıbu.