İronədə bıə Koronavirusiku oxonə xəbon.

Dəvardə 24 saəti mıddətədə və Koronavirusi nəticəku İronədə mardə kəson miğdor bə 132 nəfər rəsə.

Bə İrib raporti əsos İroni səhiyyə vəzorətxonə tojədən elanış kardə ki ısət Covid 19 pandemiya nəticədə İronədə mardə kəson miğdor tosə bə ısət bə 127686 nəfər rəsə.

Xəbə omə ki tojədən 7948 nəfər bə Koronavirusi mıbtəlo bıə kəs İronədə peydo bin ki çəvonku 1430 nəfər ijən noxəşxonəonədən.

İronədə tosə bə ısət 6012408 nəfər Koronavirusi qətəşoneş ki çəvonku 5643381 nəfər noxəşxonəonku mırxəs bıən.

Koronavirus tosə bə ısət dınyoədə 251 nəfəriku vey odəmi noxəşış kardə və 5 milyon nəfəriku vey cəmaət həm ın pandemiyaku ıştə coni dastiku doəşone.