Plasko bina hadisədə otəş okıştə şəhidə məmuron dəkande mərasim təşkil be.

Plasko bina rıjiye hadisədə bə rəhmət şə otəşokıştə məmuron təşicənazə karde mərasim keşvəri və ləşkəritə rəsmi şəxson iyən mıxtəlif qruponədə bə cəmaəti huzurədə tehronədə bərpo be və çəvon cənazə Beheşte Zəhra(s) ğəvıstonədə dəkandə be.

Tehroni Plasko nomo bıə bina otəşqəte və rıjiye nəticədə 16 nəfər otəşokıştə şəhidə məmuron cənazə ımruj zuhrə vaxti təşicənazə mərasimi bəpeştə bə Beheşte Zəhra(s) nomo bıə ğəvıstoni 50 minnə baxş daxil bedən və məddahi iyən nohə hande mərasimi bəpeştə 13 nəfəri dəkandən və 3 nəfər otəş okıştə məmoron pokə cənazə həm bə çəvon moədə bə şəhr ovoştıniyə bedən.

de şəhidə otəş okıştə məmoron oxonə vida mərasim ki Plasko bina rıjiye hadisədə bə rəhmət şənımruj sıb keşvəri rəsmi şəxson əcumlədə məclisi rəis Əli Laricani məhkəmə təşkilati rəis ayətullah Sadığ Amoli Laricani  islami inğilabi yolə rəhbəri dəftərxonə rəis huccətul islam vəlmuslimin Muhəmmədi qulpayeqani  ironi prezidenti 1 minnə muavin Eshağ Cəhanqiri Tehroni şəhrdar(bələdiyə rəis) iyən islamiyə şura məclisədə bıə nımoyəndon və tehronədə bıə mıxtəlif qruponədə bə cəmaəti huzurədə bərpo be.

ım mərasimədə islami inğilabi yolə rəhbəri mesaj otəşokıştə məmoron fədakarəti iyən ğəhrəmanəti barədə handə bı.

ayətullah İmami Kaşani həm şəhidə otəşokıştə məmoron meyyet nımojış hande və nımoji bəpeştə cəmaət de Əllahu Əkbər La ilahə illəllah şoaron və bə çəvon maşinon tərəfi vılə dastəon şodoeədə əvonışon təşi karde.

2017 minnə sori yanvari 19 minnə ruji sıb tehroni mərkəz Plasko nomo bıə ticariyə bina otəş qəte bəpeştə rıjiyedə ım hadisədə ironi 16 qılə otəş okıştə məmoronku rıjiyə bina jiyo bə rəhmət şin.