İnğilabi yolə rəhbər:məmləkəti həmmə problemonro elmiyə ro pəydo karde bəznemon.
İslami inğilabi yolə rəhbəri votışe: İroni milləti cıvonə elitə zərfiyəton məmləkəti de beynəlxalğə səthədə elmiyə fasiləon pur karde iyən dınyoiyə elmi marzonku dəvarde və islamiyə tojə mədəmiyyəti icod və məmləkəti ruşinə tale bə nəticə rusneyu nav şərayeti təşkil karde bəznen.
İslami inğilabi yolə rəhbəri votışe: İroni milləti cıvonə elitə zərfiyəton məmləkəti de beynəlxalğə səthədə elmiyə fasiləon pur karde iyən dınyoiyə elmi marzonku dəvarde və islamiyə tojə mədəmiyyəti icod və məmləkəti ruşinə tale bə nəticə rusneyu nav şərayeti təşkil karde bəznen.
Həzrət Ayətullah xamenei ımruj cıvonə elitəon iyən elmi huşinə istidadışon bıə şəxsiyyəton vindımonədə əlovəş karde İroni millət patensiyal elitə milləte və həminə dəlili xoto ğədimə zəmononku istimar əkon təhğir bıkə namə canqi hədəfədə ğərorışon qətə ta ıştə istidadon və zumandətion yoddə bekən və hətta munkir bıbon və yolə du yəni “əmə karde əzın nimon” cumlə ğəbul bıkən.
Yolə rəhbəri votışe: İroni dəvardə 200 sorə tarixədə həm istimar əkon və zəmonə hakimon həmsədo İroni milləti ocizəti təbliğ kardə bin ki inğilabi səbarzəti bə ım vəziyyət oxoş do.
İslami inğilabi yolə rəhbəri ğəflət və ğarətış istimar əkon 2 qılə mukəmmələ hədəfış millətonədə ocizəti təbliğkardeku zınəşe və əlovəş karde vaxti qıləy millət ıştə zumandətionku ğəflət bıkə çəy ğarət iyən çəyku dızdiye rohət bedə.
Yolə rəhbəri bə kərimə ğıroni oşkoə ayəon istinad kardeədə ğəflət karde mənfiyə nəticon barədə əlovəş karde Xıdavəndə xalığ osmoniyə kitobədə çəşnaviş doə ki deşmen pidəşe şımə ıştə silah və zərfiyətonku ğəflət bıkən ta rohət hucum bıbə ki ım məsələ ımruj be pilotə təyyarəon və rəketon məsələ həxədə dınyoədə təziğon və cəncolon diğğət doeədə oşkoye.
Həzrət Ayətullah xamenei ıştə dəvardə çan sori sıxanon bə yod dəğandeədə İroni tale və dınyo elmiyə baxşədə navədə hərəkət karde zərorəti barədə votışe: bəpe jıqo hərəkət bıkəmon ki qıləy məntiğiyə taleədə İron dınyo elmiyə mənbə bıbo və ha kəs bə elmi tojə nəticəon rəseyu forsi zıvoni umuteyu məcbur bımando , jəqo ki tarixi qıləy devrədə İronıjon dınyo eımi bəşəndə ğərorışon qətə be və İroni alimon nıvıştə kitobon ğərb və şərğı ali məktəbonədə dərs doə bedə be və əhle ilm bəy istinad kardə bin.
İslami inğilabi yolə rəhbəri bə ım ruşin və fəxrinə tale rəseyu 3 qılə mərhələş zəruri zınə.
1-dınyo elmi nav xəttonədə ısətnə fasiləon pur kardeyu cəhd karde.
2-dınyo elmiyə marzonku dəvarde və elmi tojə kəşfon bə insoniyə ictimaiyət təğdim karde.
3-bə nəf bardə elmi əsos islami tojə mədəniyyəti bino karde.
Yolə rəhbəri “məsələ mehvəri” və məmləkəti məsəlon həl kardeş məmləkəti elmiyə ictimaiyyəti muhimmə hədəfonkuş zınə və kali məsəlon mincumlə ov,ekoloqiya, trafik, ictimaiyyəti ziyanon,dion cəmiyyətiku təy be,puliyə nizom. Mali, moliyot, banki iyənistihsal nizomi məsəlonku işarə kardeədə votışe:karde bəznemon həmmə problemonru elmiyə ro pəydo karde.
Həzrət Ayətullah Xameni suniyə huşış qıləy muhimmə məsələ unvanədə iyən tale təin bıkəş nom barde və votışe: ım məsələ dınyo tale idarə kardeədə rolış heste və bəpe jıqo əməl bıkəmon ki İron suniyə huşədə dınyo 10 qılə zumandə məmləkəton siyahiədə ğəror bıqəto.
Yolə rəhbəri dəvomədə istihsalədə maneon peqəteku işarəş karde və məmləkətdə istihsali roədə həmməysə muhimmə maneış, mədəniyə mane bənə na ommidi, bə vəy omə rujunko məyos be, zəhmət nıkəşe, avsələ nıbe, rohətəti tələb karde, ziyan rosniyə avərətion, ocizəti his iyən riski ğəbul nıkardeku işarəş karde.
Həzrət Ayətullah Xamenei elmi əsosinə şirkəton inkişaf və zumand karde nav hərəkətonış, daxilədə çəvon məhsolon istifadə rəvoc doeş zınə və votışe: vaxti qıləy elmi əsosinə məhsol daxilədə istihsal bedə bənə jıqo məhsoli idxal bəpe əncom nıbo.
İslami inğilabi yolə rəhbəri elmi əsosinə məhsolon ixracat kardeyu nav şərayeton icod kardeş devlətiyə təşkilaton coqlə vəzifonkuş zınə və votışe: vıjor icod kardeyu devlət və şirkəton fəaliyyətonku əlovə telerədyo beynəlxalğə kanalon həm bəpe İroni istihsalon təbliğ kardeyu bərnamon hozzı və ım roədə cəhd bıkən.