İronədə Koronavirusi vəziyəti kontorol kardey dəvom.

İroni səhiyyə vəzarətxonə elanış karde: dəvardə 24 saəti mıddətədə Koronavirusi nəticəku mardə kəson miğdor bə 100 nəfər rəsə.

Bə İrib raporti əsos ısət ım pandemiya nəticədə İronədə mardə kəson miğdor bə həm 128734 nəfər rəsə.

Xəbə omə ki tojədən 5784 nəfər bə Koronavirusi mıbtəlo bıə kəs İronədə peydo bin ki çəvonku təğribən 893 nəfər ijən noxəşxonəonədən.

İronədə tosə bə ısət 6069559 nəfər Koronavirusi qətəşoneş ki çəvonku 5759378 nəfər noxəşxonəonku mırxəs bıən.

Koronavirus tosə bə ısət 256 milyono 497 həzo nəfərış dınyoədə mıbtəlo kardə iyən 5 milyono 150 həzo nəfəriku vey odəm həm ın pandemiya nəticədə ıştə coni dastiku doəşone.