İslami inğilabi səbarz bıə rujon(dəheye fəcr) şoə mərasimon təşkil be.

Imruj 3 şanbə bəhmən manqi 12 minnə ruj bərobər de milady 2017 yanvari 31 minnə ruj ki ironi islamiyə inğilabi mubarəkə dəheye fəcr(inğilabi səbarz bə mubarəkə 10 rujə əyyami) mərasimon bərpo bin.

İslami inğilabi səbarz be mubarəkə əyyami mərasim ımruj sıb saat 9:33 dəğə həmzəman ironi islamiyə Respublika təsis əkə mərhum həzrət imom xomeyni bə vətən daxil be tarixiyə ləhzədə ə yolə imomi pokə hərəmədə iyən  ironi həmmə məktəbonədə inğilabiyə zanqi sədo rostışon karde.

Beheşte Zəhra nomo bıə ğəvıstonədə mərhum imom Xomeyni qəp jə vırə həm de vılə dastə pur bəbe.

həmçinin matur ruməkəson iştirak kardeədə tehroni Mehrabad aeroportiku desbə Beheşte Zəhra(s0 parad mərasim bərpo bəbe və vertəliyoton ım roədə vıl əbəkan. bə ım tarixiyə ruji ehtırom karde xoto kilisəon iyən məktəbon həmçinin kəştion və ğətaron zanq iyən siqnalon sədo rost bəbe.

həminə holədə islamiyə inğilabi səbarz be mubarəkə 10 rujə əyyami mərasimonədə həmzəman bə  İron mərhum həzrət imom Xomeyni daxil be ləhzədə ımruj sıb mıxtəlif qruponədə bıə cəmaət şəhidə ailəon ləşkəri iyən keşvəri rəsmi şəxson huzurədə ironi islamiyə inğilabi təsis əkə pokə hərəm iyən tehroni Mehrabad aeroportdə həmçinin islamiyə ironi həmmə vıronədə bərpo be.

500 qılə sə veyə journalist iyən fotoqıraf ım mərasimi bəkəşen.

38 sor çimiku bə nav qıləy jıqonə rujədə hicri şəmsi 1357 nə sori bəhmən manqi 12 minnə ruji yəni milady 1979 nə sori fevralə manqi 1 minnə ruji ironi islamiyə inğilabi təsisəkə mərhum imom Xomeyni 15 sor vətəniku doəru mande bəpeştə cəmaəti tələb və şoətiədə bə islamiyə İron oqardə.

10 ruj bə İron imomi daxil beku bəpeştə hicri şəmsi 1357 nə sori bəhmənə manqi 22 nə ruji bərobər de milady 1979 nə sori fevralə manqi 11 minnə ruji  ironi islamiyə inğilab bə səbarzəti rəsə.