İronədə Koronavirusiku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku mardə kəson miğdor bə 86 nəfər rəsə.

Bə İrib raporti əsos ısət ım pandemiya nəticədə İronədə mardə kəson miğdor bə həm 129462 nəfər rəsə.

Xəbə omə ki tojədən 4384 nəfər bə Koronavirusi mıbtəlo bıə kəs İronədə peydo bin ki çəvonku 720 nəfər ijən noxəşxonəonədən.

İronədə tosə bə ısət 6102056 nəfər Koronavirusi qətəşoneş ki çəvonku 5841870 nəfər noxəşxonəonku mırxəs bıən.

Bə oxonə statestikaon əsos, tosə bə ısət 105 milyon dozaku vey İronədə Korna peyvəndiku istifodə bıə iy'n millətiku 85 faiz vaksinasiya bıən.

Koronavirus tosə bə ısət 256 milyon nəfərış dınyoədə mıbtəlo kardəşe iyən 5 milyon nəfəriku vey odəm həm ın pandemiya nəticədə ıştə coni dastiku doəşone.