İron çı məntəğə vey zumandə kişvəre.

Tehroni zinə ruji cumə İmom votışe: İron ısət çı məntəğə vey zumandə kişvəre iyən dınyoədə anədə çokə şəroyıtışe ki hiç kişvəri bəy həmlə karde ciqəş ni.

Bə İrib raporti əsos, huccətul islom vəl muslemin Kazim Seddiği Tehroni cımə nımoji 2 minnə xutbədə atom muzakirə barədə votışe: İroni inğilobi və bə milləti sədo əsos bıə dıvlət pidəşe de həmmə kişvəron əloğəonış bıbu və de tədbirinə həmkarion bə izzəti tərəf hərəkət ko.

Əv əlovəş karde: tojə şəroyetədə ki İroni nizom vey zumand bıə iyən bə təziğon vədə jığo tov varde mərhələ rəsəşe hukmən ımrujnə dınyoədə həm şərayet bə çəmə tərəf əvəz bəbe.

huccətul islom vəl muslemin Kazim Seddiği votışe: Amerkə xususi Trampi dovranədə bə İroni zidd 3 qılə cəhbə tərəfo təziğonış bino karde ki jığo iborət be: əvəl Amerkə maliyə vəzorətxonə tərəfo sanksiyaon be, 2 minnə ko çın kişvəri xarıci vəzorətxonə səmtiku be ki de bə muxtəlif kişvəron fişar vardey vositə əvoni məcbur əki de İron həmkarəti kardeyku imtino kon, və se minnə ko həm Amerkə cəsusə təşkiloti tərəfiku əncom bıə İroni inğilobi əvvəliku ki tosə bə ısət dəvom kardeydə ta de bə İroni milləti fişar təziğ vardey vositə İroni milləti bezu və kişvərədə behron icod ko.

Tehroni zinə ruji cumə İmom votışe: əmmo de İroni Yolə Rəhbəri tədbiron vositə və İroni milləti zumandəti və istiğomət ki millət və nizomi miyono bıə zumandə rabitəon əlomətdore, dışmon ıştə hədəfon bə vırə rosniyey roədə məğlub bıə.