İron İslam Respublika prezdenti de hamsuyan bə stratejikə rabitə işarəş karde.

Dec 12, 2021 07:12 Asia/Tehran

İron İslam Respublika prezdenti votışe: hamsuyəti siyasət və de hamsuyan rabitə de sanksiyaon mubarizə iyən əvoni be əsər kardey, İron İslam Respublikayu nə ım ki qıləy taktikiyə hərəkət bəlkə qıləy stratejikə hərəkəte.

Bə prezdenti məlumatərosnə mərkəzi elani əsosi İron İslam Respublika prezdent Sed İbrahim Rəisi zinə İroni xaricdə bıə vıjniyə nımayəndəqion rəison qırdbemonədə ki hamsuyə məmləkəton mehvəriyyətdə əncom be əlovəş karde bə İroni mevcod bə zərfiyəton diğğət doeədə karde bəznemon de hamsuyan həmkoəti iyən ticarəti inkişaf doe ki xarici koon vəzorətxonə baxşə ım cəhətdə ve diğğət doənine.

İron İslam Respublika prezdent, sanksiyaon peqəte ya be əsər kardeyu bə İslamiyə Respublika 2 qılə strateji işarəş karde və votışe:bəzion votdə bin İslamiyə Respublika muzakirə əkə ni və kali votedə bin İron muzakironədə ciddiyə sorətədə iştirak nibəkay və bərnaməş ni əmmo İslamiyə Respublika muzakironədə izzətmand iştirakış karde və təğdim kardə məktobə məsləhətonədə nışonış do ki muzakironədə ciddiye.

İron İslam Respublika prezdenti votışe:əqər navədə bə tərəf bə İroni zid zılminə sanksiyaon peqəteyu ciddi bıbo, çokə sazış bə dast bome və İron İslam Respublika hıkmən çokə sazışi domoədəy.

İron İslam Respublika prezdent ıştə sıxanon coqlə baxşədə məntəğə bəzi məmləkəton de sionist rejimi rabitə bərpo kardeku tənğidış karde və votışe: jıqo hərəkəton rabitə bərpo kardeyu ne ım məmləkətonru və ne sionist rejimiyu əmniyyət təşkil bıkə ni.

İroni prezdent əlovəş karde kali məmləkəton cəhd kardən həm ıştə rabitə de sionist rejim bərpo bıkən və həm israili bə məntəğə məmləkəton marzon nez bıkən əmmo ım hərəkət bəvonru heç qılə foydəş ni.

Rəisi, İron İslam Respublikaş məntəğə məmləkəton xəy tələb bıkəş zınə və votışe:rabitə de İslamiyə Respublika və mıxtəlif baxşonədə de İron həmkoəti karde məntəğədə bə sulh və oroməti inkişafi komək bəkay.

İron İslam Respublika prezdent eyne holədə Əfğanistanı problemonış əcnəbion ım məmləkətdə huzur pəydo kardekuş zınə və əlovəş karde Əfğanistan NATO və Amerkə huzuri bəpeştə çokərujış nıvinde və Amerkaiyə məmləkəton nəticə sunnətiyə nərkotikə maddon bə sənaye nərkotikə maddon ovıştıne bə.