İronədə bə Koronavirusi mıbtəlo bıə kəson miğdor ijən kam bıdə.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku mardə kəson miğdor bə 63 nəfər rəsə.

Bə İrib raporti əsos ısət ım pandemiya nəticədə İronədə mardə kəson miğdor qırd bə həm 130992 nəfər rəsə.

Xəbə omə ki tojədən 2196 nəfər bə Koronavirusi mıbtəlo bıə kəs İronədə peydo bin ki çəvonku 341 nəfər ijən noxəşxonədən.

İronədə tosə bə ısət 6167650 nəfər Koronavirusi qətəşoneş əmo 5995734 nəfər həm çəvon hol-əhvol çok bıə.

Bə oxonə statestikaon əsos, tosə bə ısət 58026227nəfər İronədə Koronapeyvəndi iminnə doza jəşone iyən 50109890 nəfər həm de 2 minnə doza və 460454 nəfər de 3 minnə doza jəe vaksinə bıən, ım yəni 112 milyono 596 həzo 571 doza Korna peyvəndiku İronədə istifodə bıə.

Fəğət dəvardə 24 saəti mıddətədə 32 həzo 887 doza anti Korona peyvən jə bəy.

Dınyoədə Korona tosə bə ısət 274 milyon nəfərış mıbtəlo kardəşe və 5 milyon nəfər həm ın Virusi nəticəku ıştə coni dastiku doəşone.