İronədə bə Koronavirusi mıbtəlo bıə kəsonku oxonə xəbə.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku mardə kəson miğdor bə 50 nəfər rəsə.

Bə İrib raporti əsos ısət ım pandemiya nəticədə İronədə mardə kəson miğdor qırd bə həm 131083 nəfər rəsə.

Xəbə omə ki tojədən 1968 nəfər bə Koronavirusi mıbtəlo bıə kəs İronədə peydo bin ki çəvonku 304 nəfər ijən noxəşxonədən.

İronədə tosə bə ısət 6170979 nəfər Koronavirusi qətəşoneş əmo 6004277 nəfər həm çəvon hol-əhvol çok bıə.

Korona vaksinasiyaku həm xəbə ıme ki tosə bə ısət təğribən 113 milyon doza Korna peyvəndiku İronədə istifodə bıə.

Dınyoədə Korona tosə bə ısət 274 milyono 609 nəfərış mıbtəlo kardəşe və 5 milyono 368 həzo nəfər həm ın Virusi nəticəku ıştə coni dastiku doəşone.